މިއަދު މެންދުރު13:30 ކަންހާއިރު މި ހާދިސާގައި ހިންގީ މަގުމަތީގައި އޮތް ފެންގަނޑަކަށް ކަރަންޓް އައިސްގެންނެވެ. މި ހާދިސާގައި އަށް އަހަރުގެ ފިރިހެން ކުއްޖަކާއި 12 އަހަރުގެ އަންހެން ކުއްޖަކުވެސް ވަނީ ކަރަންޓްގައި ޖެހިފައެވެ. އެހެންނަމަވެސް މި ދެކުދިންގެ ހާލު މިހާރު ރަނގަޅުކަމަށް ހޮސްޕިޓަލުން ބުނެއެވެ.
މި ހާދިސާގައި ފަރުވާދެމުން އަންނަ 18 އަހަރުގެ ކުއްޖާއަކީ ކަރަންޓްގައި ޖެހުނު 8 އަހަރުގެ ކުއްޖާ ސަލާމަތްކުރަން ފެންގަނޑަށް ފޭބި ކުއްޖާކަމަށް އުނގޫފާރުން ވާހަކަ ދެއްކި މީހަކު ބުންޏެވެ. އަދި އެނގިފައިވާ ގޮތުން އެ ކުއްޖާ ގަޔަށް ކަރަންޓް އައީ ކަރަންޓް ލީކްވެފައިހުރި ހޮޅިދަނޑީގައި އަތްލެވިގެންކަމަށްވެސް އެރަށުން ވާހަކަ ދެއްކި މީހަކު ބުންޏެވެ.
18 އަހަރުގެ ކުއްޖާ ގަޔަށް ކަރަންޓް އައިސްފައި ގާތްގަޑަކަށް 3 ވަރަކަށް މިނެޓް ހުރިކަމަށާއި އެ ކުއްޖާ ބިން މައްޗަށް ވެއްޓުނީ ސަރަހައްދުން ކަރަންޓް ކަނޑާލުމުންކަމަށްވެސް އެނގިފައިވެއެވެ.
ކުޑަކުދިން ކުޅޭ ޕާކެއްގެ ބުޑުގައި ހުރި މި ފެންގަޑަށް ކަރަންޓް އައިސްފައިވަނީ އެ ސަރަހައްދު އަލިކުރަން ޖަހާފައި ހުރި ހޮޅިދަނޑިއަށް ކަރަންޓް އައިސްގެންނެވެ.
ފުލުހުން މިހާރު ދަނީ އެ ސަރަހައްދުކޮށް އެ މައްސަލަ ބަލަމުންނެވެ.
