ބަޔާން މިއުނިކުން ގްރީލިޝް ހޯދުމަށް މަސައްކަތް ކުރަމުންދާ ކަމަށް ރިޕޯޓްތައް ބުނާއިރު، އެ ކްލަބުގެ އާ ކޯޗަކަށް ސިޓީގެ ކުރީގެ ޑިފެންޑަރު ވިންސެންޓް ކޮމްޕެނީ ހަމަޖެއްސުމަށް މަސައްކަތް ކުރަމުން އަންނަކަމުގެ ރިޕޯޓްތައްވެސް ވަނީ އާއްމުވެފައެވެ.
ސިޓީގެ ފަހުގެ ކާމިޔާބީތަކުގެ މުހިއްމު ދައުރެއް ކުޅުނު ނަމަވެސް، ފާއިތުވި 12 މަސް ދުވަހުގެ ތެރޭގައި އިއްތިހާދުގައި ގްރީލިޝް ކުޅުންވަނީ ދަށްވެފައެވެ. އޭނާގެ ގޯލް ޖެހުމުގެ ރެކޯޑާ މެދު ސުވާލު އުފެދިފައިވާއިރު، އަނިޔާތަކާ ކުރިމަތިލާން ޖެހުނު ނަމަވެސް މި ސީޒަނުގައި އޭނާ ނުފެންނަ ބޮޑެތި މެޗުތަކެއް ވެސް ކުޅެފައިވެ އެވެ. މި ސީޒަންގައި ކުޅުނު 20 މެޗުގައި ގްރީލިޝްއަށް ޖެހުނީ ތިން ލަނޑެވެ.
ގްރީލިޝްގެ ކުޅުން ކޮންމެވެސް ވަރަކަށް ދަށްވެފައިވީނަމަވެސް، ޔޫރޯއަށް ނެގި އިގިރޭސި ސްކޮޑުގައި ގްރީލިޝް ހިމެނިފައިވެއެވެ. ރިޕޯޓްތައް ބުނާ ގޮތުން ބަޔާން މިއުނިކްގެ ފޯވާޑަކަށް މިހާރު ކުޅޭ އިގިރޭސި ކެޕްޓަން ހެރީ ކޭންއާއެކު ކުޅެން އެންމެ ރަނގަޅު އެއް ކުޅުންތެރިޔަކީ ގްރީލިޝް ކަމަށް ބަޔާނުން ދެކެއެވެ.
