ޕީއެންސީގެ އެސްޖީގެ މަގާމު ހުސްވީ ކުރިން އެ މަގާމުގައި ހުންނެވި ކުރީގެ މަޖިލިސް މެންބަރު ޝިފާގު މުފީދު (ހިސްޓޯ) އެ ޕާޓީން ވަކިވެވަޑައިގަތުމާ ގުޅިގެންނެވެ. މިހާރު ޝިފާގުއަކީ ކުރީގެ ރައީސް އަބްދުﷲ ޔާމީން އުފެއްދެވި ޕީއެންއެފްގެ އިސް މެންބަރެކެވެ.
ޕީއެންސީގެ ތަރުޖަމާނު ހީނާ ވަލީދު މިރޭ ވަނީ އެކްސްގައި ޕޯސްޓެއް ގައި ވިދާޅުވީ، ޒީނާޒް އަދުނާން ވެރިކަން ކުރާ ޕީއެންސީގެ ސެކްރެޓަރީ ޖެނެރަލްގެ މަގާމަށް އައްޔަންކޮށްފައިވާ ކަމަށެވެ.
ލޯކަލް ގަވަނަންސް މިނިސްޓަރު އާދަމް ޝަރީފް އުމަރުގެ އަނބިކަނބަލުން ޒީނާޒަކީ މީގެ ކުރިން ޕީޕީއެމްގެ ސެނެޓްގައި ހިމެނޭ މެމްބަރެކެވެ.
ޏ. ފުވައްމުލަކަށް އުފަން ޒީނާޒު ކުރިން ތައުލީމީ ދާއިރާއަށް ވަރަށްގިނަ ދުވަހު ހިދުމަތްކުރެއްވި އެވެ.
ޕީޕީއެމްގެ ޓިކެޓް ގައި މަޖިލީސް އިންތިހާބު ގައި ވެސް ވާދަކުރި ޒީނާޒް ވަނީ ކުޑަކުދިންގެ ހިޔާގެ ޗީފް އެގްޒެކްޓިވް އޮފިސަރުގެ މަގާމު ވެސް ކުރީން އަދާކޮށްފަ އެވެ.
