މިއަހަުގެ ދިރާސީ އަހަރޔު ފަށާފައިވަނީ 96،000 ދަރިވަރުންނާއި އެކުއެވެ. ސަރުކާރުގެ 217 ސްކޫލެއްގައި 83000 ދަރިވަރުން ކިޔަވަމުންދާއިރު ޕްރައިވެޓް ސްކޫލްތަކުގައި 13،000 ދަރުވަރުން ކިޔަވަމުން ގެންދާނެއެވެ. އާބާދީ ކުޑަ 6 ރަށެއްގައި ކިޔަވާދޭނީ ސެޓްލައިޓްކޮށެވެ.
ތައުލީމާއި ބެހޭ ވުޒާރާއިން ބުނީ މާލޭ ސަރަހައްދުގައި ކިޔަވާ ދަރިވަރުންގެ އަދަަކީ 26،000 ކަމަށެވެ. އެއީ ސަރުކާރު ސްކޫލްތަކުގައި ކިޔަވާ 17،000 ދަރިވަރުންނާއި ޕްރައިވެޓް ސްކޫލްތަކުގައި ކިޔަވާ 9000 ދަރިވަރުންކަމަށެވެ.
މި އަހަރު މާލޭ ސަރަހައްދުގެ ސްކޫލްތަކުގެ ގްރޭޑް އެކަކަށް މުޅިން އަލަށް 2250 ދަރިވަރުން ވަނީ ގުޅިފައެވެ. ރަށްރަށުގެ ސްކޫލްތަކަށް ގްރޭޑް އެކަކަށް އަލަށްް ގުޅުނު ދަރިވަރުންގެ އަދަދަކީ 2081 އެކެވެ.
ތައުލީމީ ވުޒާރާއިން ބުނީ ރަށްރަށުން މާލޭގެ ސްކޫލްތަކަށް 1126 ކުދިން ބަދަލުވެފައިވާކަމަށެވެ. އަދި މާލޭގެ އެއް ސްކޫލުން އަނެއް ސްކޫލަށް 1000 ދަރިވަރުން ބަދަލުވިކަމަށްވެސް އެ ވުޒާރާއިން ބުނެއެވެ.
މި ފެށުނު ދިރާސީ އަހަރު ނިމި ދެން ސްކޫލްތައް ބޮޑު ބަންދަށް ދާނީ އަންނަ އަހަރުގެ ރޯދަމަހާާއި ދިމާވާގޮތަށެވެ.
މި އަހަރުގެ ފުުރަތަމަ ޓާމް ނިމޭނީ ސެޕްޓެމްބަރު 26ގައެވެ. ފުރަތަމަ ޓާމް ޗުއްޓީއަށްފަހު ސްކޫލްތައް އަލުން ހުޅުވޭނީ އޮކްޓޫބަރު 3 ގައެވެ. އޮކްޓޫބަރު 6ގައި ދެވަނަ ޓާމުގެ ކިޔެވުން ފެށުމަށްފަހު އެޓާމުގެ ކިޔެވުން ނިމޭނީ އަންނަ އަހަރުގެ މާޗް 6 ގައެވެ.
ސްކޫލްތަކުގެ ބޮޑު ބަންދު 9 މާރިޗުގައި ފަށާ ބަންދު ނިންމާ 2025 ވަނަ އަހަރުގެ ދިރާސީ އަހަރު ފެށޭނީ އެ އަހަރުގެ އޭޕްރިލް 3 ގައެވެ.
