އަންނަމަހުގެ 8 ވަނަދުވަހު ފާހަގަކުރާ ދުނިޔޭގެ ކަނޑުތަކުގެ ދުވަސް ރާއްޖޭގައި ކުލަގަދަކޮށް ފާހަގަކުރުމަށް މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން ވަނީ ނިންމާފައެވެ. އަދި މި ދުވަހާއި ގުޅިގެން ބައެއް ހަރަކާތްތައް ކުރިޔަށް ގެންދިޔުމަށްވެސް އެ ވުޒާރާއިން ވަނީ ނިންމާފައެވެ.
ކަނޑުގެ ދުވަހު ކުރިޔަށް ގެންދާ ހަރަކާތްތަކުގެ ތެރެއިން "އެންމެން މޫދަށް" ނަމުގައި އެއްވަގުތެއްގައި ރާއްޖޭގެ ގިނަ ބަޔަކު ކަނޑުމައްޗަށް ނުކުތުމަށް ވަނީ ކަނޑުގެ ވަސީލަތްތަކާއި ވެހޭ ވުޒާރާއިން ވަނީ ނިންމާފައެވެ. މި ހަރަކާތް އޮންނާނީ ޖޫންމަހުގެ 8 ވަނަދުވަހު ހެނދުނު 09:00 ޖަހާއިރުއެވެ. މި ހަރަކާތުގައި ކައުންސިލްތަކާއި ސަރުކާރުގެ އިދާރާތައް ބައިވެރިވުމުގެ ފުރުސަތު ވަނީ ހުޅުވާލާފައެވެ.
މި ހަރަކާތުގައި އެންމެ ތަފާތު އަދި އެންމެ ގިނަ ބަޔަކު ކަނޑުމައްޗަށް ނެރި ހަރަކާތްތައް ހިންގާ 3 ކައުންސިލެއް ހޮވަން ނިންމާފައިވާކަމަށްް ކަނޑުތަކުގެ ވަސީލަތްތަކައި ބެހޭ ވުޒާރާއިން އިން ބުނެއެވެ.
ކަނޑުގެ ދުވަސް ފާހަގަކުރަން ހިންގާ ހަރަކާތްތައް
- އެންމެން މޫދަށް
- ކަނޑުރޯދި އުފާ ފެސްޓިވަލް
- ސޯޝަލް މީޑިއާ ސުވާލު މުބާރާތް
- މަޒުމޫނު ލިޔުމާއި ކުރެހުމުގެ މުބާރާތް
ކަނޑު ތަކުގެ ދުވަސް ފާހަގަ ކުރުމަށް "ކަނޑު ރޯދި އުފާ" ފެސްޓިވަލް އޮންނާނީ އަންނަމަހުގެ 8 ވަނަދުވަހު ހުޅުމާލޭ ފޭސް 1 ގެ ބީޗު ސަރަހައްދުގައެވެ. މި ފެސްޓިވަލްގެ މައިގަނޑު ބޭނުމަކީ އުފާވެރި މާހައުލަކުން ކުޑަކުދިން އަދި ޒުވާނުންނަށް ކަނޑާ ގުޅުން ހުރި މަޢުލޫމާތު ދިނުމާއެކު ކުޅިވަރުތަކާއި އެހެނިހެން ހަރަކާތްތަކުގައި ބައިވެރިވުމުގެ ފުރުސަތު ތަނަވަސްކޮށްދިނުކަމަށް ކަނޑުތަކުގެ ވަސީލަތްތަކައި ބެހޭ ވުޒާރާއިން އިން ބުނެއެވެ.
