ގާސިމަށް އެ ކޮމެޓީގެ މުގައްރިރުކަން ދޭން ނިންމެވީ ރައީސް ޑރ. މުހައްމަދު މުއިއްޒެވެ. އެއާއި އެކު އާ މަޖިލީހަށް އިންތިހާބުވި މެމްބަރުންވެސް އެގޮތަށް ތާއީދުކުރަން ވަނީ ނިންމާފައެވެ.
ޖޭޕީގެ ލީޑަރުކަން ކުރައްވާ ގާސިމް ގެންދަވަނީ ރައީސް މުއިއްޒަށް ވަރަށް ބޮޑަށްް ތާއިދުކުރައްވަމުންނެވެ. އަދި ޕީއެންސީ މަޖިލީހުގެ އިންތިހާބުގައި ވާދަނުކަރަން ނިންމި ދާއިރާތަކުގެ ތެރޭގައި މާމިގިލީ ދާއިރާވެސް ހިމެނެެއެވެ. އޭރު ޕީއެންސީން ބުނީ އެ ޕާޓީން ބައެއް ދާއިރާތައް ދޫކޮށްލީ ޕާޓީތަކުގެ ލީޑަރުންނަށް އިހްތިރާމް ކުރުމުގެ ގޮތުންކަމަށެވެ.
ސަލީމް، މުއިއްޒު އަރިހުގައި - ފޮޓޯ:ޕީއެންސީ
މަޖިލީހުގެ އެންމެ ބާރުގަދަ އެއް ކޮމެޓީގެ ކަމުގައިވާ 241 ކޮމެޓީގެ މުގައްރިރުކަން ދޭން ނިންމާފައިވަނީ އޭދަފުށީ ދާއިރާގެ މެމްބަރު އަހްމަދު ސަލީމަށެވެ. މިދިޔަ މަޖިލީހުގެ ޕީޕީއެމް ޕާލިމްޓްރީ ގްރޫޕްގެ ލީޑަރުގެ ގޮތުގައި ހުންނެވީވެސް ސަލީމްމެވެ.
ރައީސް މުއިއްޒު، ޝުޖާއު އާ ސަލާމް ކުރައްވަނީ - ފޮޓޯ:ރައީސް އޮފީސް
މި ވެރިކަން ގެނައުމަށް އިސްކޮށް އުޅުއްވި އަދި މިފަހަރުގެ މަޖިލިސް އިންތިހާބުގައި އެންމެ ގިނަ ވޯޓް ހޯދެއްވި ބާރަށު ދާއިރާގެ މެމްބަރު އިބްރާހިމް ސުޖާއަށްވެސް ވަނީ މަޖިލީހުގެ މުހިއްމު ކޮމެޓީއެއްގެ މުގައްރިރުކަން ދޭން ނިންމާފައެވެ. އޭނާ އައްޔަންކުރަނީ ސަރުކާރުގެ ވިޔަފާރި ކުންފުނިތައް ބަލަހައްޓާ ސްޓޭޓް އޯންޑް އެންޓަޕްރައިސަސް ކޮމިޓީގެ (އެސްއޯއީ) ކޮމެޓީއެވެ.
