61 ބައިވެރިންނާއެކު ތިން ދުވަހުގެ މުއްދަތަށް ކުރިއަށްގެންދިޔަ މި މަހާސިންތާ ކުރިއަށް ގެންގޮސްފައިވަނީ ގއ. ވިލިގިލީ ތައުލީމީ މަރުކަޒުގެ ހޯލު ގައެވެ.
މި މަހާސިންތާ އަކީ މަދަނީ ޖަމްއިއްޔާތައް ހިންގުމުގައި ހުރި ދަތިތަކާއި ގޮންޖެހުންތައް ދެނެގަނެ، ހަރުދަނާ މަދަނީ މުޖުތަމައުއެއް ބިނާކޮށް ފަހި ވެއްޓެއް ގާއިމްކުރުމަށް ބޭނުންވާ ކަންކަން ދެނެގަތުމަށް ކުރިއަށް ގެންދިއުމަށް ރާވާފައިވާ މަހާސިންތާއެކެވެ.
މި މަހާސިންތާގައި ޖުމުލަ 7 ފަރާތަކުން ވަނީ ތަފާތު އެކި މައުލޫއުތަކަށް ސެޝަންތައް ނަގާދީފަ އެވެ. އޭގެ ތެރޭގައި މޯލްޑިވްސް ޕޮލިސް ސާވިސް، ޔޫތު މިނިސްޓްރީ، މޯލްޑިވްސް ރެޑް ކްރެސެންޓް، ލޯކަލް ގަވަރމަންޓް އޮތޯރިޓީ، މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓް، އޭޝިއާ ފައުންޑޭޝަން އަދި މޯލްޑިވްސް އިސްލާމިކް ޔުނިވާސިޓީ ހިމެނެ އެވެ.
ބައިވެރިންނަށް ސެޓްފިކެޓް ހަވާލުކޮށްދެއްވީ ޒުވާނުން ބާރުވެރިކުރުވުމާއި މައުލޫމާތާއި ފަންނާ ބެހޭ ވަޒީރު އިބްރާހިމް ވަހީދު އެވެ. އަދި ފެސިލިޓޭޓަރުންނަށް ސެޓްފިކެޓް ހަވާލުކޮށްދެއްވީ މިނިސްޓްރީގެ ޕާމަނަންޓް ސެކެޓެރީ ފާތިމަތު އަހްމަދު އެވެ.
މި މަހާސިންތާގައި މަދަނީ ޖަމްއިއްޔާތަކާއި ރަށު ކައުންސިލްތަކާއި އަންހެނުން ތަރައްގީއަށް މަސައްކަތް ކުރާ ކޮމެޓީތައް ވަނީ ބައިވެރިވެފަ އެވެ. އަދި އާއިލީ އަދި އިޖްތިމާއި ތަރައްގީއާ ބެހޭ ވުޒާރާއާއި ދިވެހި ފުލުހުންގެ ހިދުމަތުގެ ގއ. އަތޮޅުގައި މަސައްކަތް ކުރާ މުވައްޒަފުން ހިމެނެއެވެ.
