އެކޮމިޝަނުން ބުނީ އެސްޖީކަމަށް ކުރިމަތިލާން ބޭނުންވާ ފަރާތްތަކަށް އެ ފުރުސަތު އަންނަ ހަފްތާގެ ބުރާސްފަތި ދުވަހުގެ ނިޔަލަށް ހުޅުވާލާފައިވާކަމަށެވެ. އަދި މި މަގާމަށް އައްޔަންކުރާ މީހުން އައްޔަންކުރާނީ 5 އަހަރުދުވަހުގެ މުއްދަތަކަށް ކަމަށް އެ ކޮމިޝަނުން ބުނެ އެވެ.
ސެކެރެޓަރީ ޖެނަރަލަކީ ކައުންސިލްތަކުގައި ތިބޭ ސިވިލް ސާވިސް މުވައްޒަފުންގެ ތެރެއިން އެންމެ އިސްވެރިޔާއެވެ. ރަށްރަށުގެ ކައުންސިލްތަކަށް ދެ ރޭންކެެއްގައި އެސްޖީ އައްޔަންކުރައެވެ. ފުރަތަމަ ރޭންކުގެ މުސާރައަކީ މަހަކު 16،100 ރުފިޔާއެވެ. އަނެއް ރޭންކުގެ މުސާރައަކީ މަހަކު 15،285 ރުފިޔާ އެވެ.
އެސްޖީން ހޯދަން އިއުލާންކޮށްފައިވާ ކައުންސިލްތައް
- ހއ. ވަށަފަރު
- ހއ. މުރައިދޫ
- ށ. ފޭދޫ
- ށ. މަރޮށި
- ށ. ފީވަށް
- ރ. ވާދޫ
- ރ. މަޑުއްވަރީ
- ރ. ރަސްމާދޫ
- ރ. އިންނަމާދޫ
- ބ. ކިހާދޫ
- ބ. ފުޅަދޫ
- ބ. ފެހެންދޫ
- ބ. ހިތާދޫ
- ކ. ތުލުސްދޫ
- އއ. ތޮއްޑޫ
- އއ. މާޅޮސް
- އދ. ދިއްދޫ
- އދ. ހަންޏާމީދޫ
- ވ. ތިނަދޫ
- ވ. ފުލިދޫ
- ވ. ފެލިދޫ
- ވ. ރަކީދޫ
- މ. މަޑުއްވަރީ
- ފ. ދަރަނބޫދޫ
- ދ. ރިނބުދޫ
- ދ. ކުޑަހުވަދޫ
- ދ. މާއެނބޫދޫ
- ތ. ގާދިއްފުށީ
- ތ. ތިމަރަފުށި
- ލ. ދަނބިދޫ
- ގއ. ދެއްވަދޫ
- ގދ. ވާދޫ
ސިވިލް ސާވިސް ކޮމިޝަނުން ބުނީ ކައުންސިލްތަކުގެ އެސްޖީންނަށް ކުރިމަތިލާ މީހުންހެ ތެރެެއިން އެ މަގާމަށް މީހަކު ހޮވުމަށް ބޭއްވޭ އިންޓަވިއު، އިމްތިހާނު އަދި ޕްރެޒެންޓޭޝަން ހުށަހެޅުން އޮންނާނީ، 11 ޖޫން 2024 އިން 25 ޖުލައި 2024 އާ ދެމެދުގައިކަމަށެވެ.
ކައުންސިލްތަކަށް އެސްޖީ އައްޔަންކުރަން ފެށީ 2021 ވަނަ އަހަރު ލާމަރުކަޒީ ގާނޫނަށް ގެނައި އިސްލާހު ދަށުންނެވެ. އެ މަގާމަށް މީހުން ކަންޑައަޅަން ޖެހޭނީ ކައުންސިލްތަކުގެ ލަފާގެ މަތިން ސިވިލް ސާވިސް ކޮމިޝަނުންނެވެ.
