މޫސުން ގޯސްވެ ޓެކްސްޓް ފޮތްތައް ރަށްރަށަށް ފޮނުވުމުގައި އެޑިއުކޭޝަން މިނިސްްޓްރީއަށް ދަތިތަކަަކާ ކުރިމަތިލާން ޖެހުނެވެ. އަދި ފޮތްތައް ހަމަނުވުމުގެ ސަބަބުން ބައެއް ގްރޭޑްތަކުގެ ބެލެނިވެރިން ކަންބޮޑުވުން ފާޅުކުރިއެވެ.މޫސުން ގޯސްވެ ޓެކްސްޓް ފޮތްތައް ރަށްރަށަށް ނުފޮނުވިގެން މިމަހުގެ 22 ވަނަ ދުވަހު އެތަކެތި ގެންދިޔުމުގެ މަސައްކަތް އެންމެފަހުން ފުލުހުން ފެށިއެވެ.
"ސީއެންއެމް" އަށް އަށް މައުލޫމާދު ދެއްވަމުން އެޑިއުކޭޝަން މިނިސްޓްރީގެ މީޑިއާ އޮފިޝަލް ވިދާޅުވީ ރާއްޖޭގެ ސްކޫލްތަކަށް ފޮތްތައް ފޮނުވުމުގެ މަސައްކަތް މިހާރު އެއްކޮށް ނިމިފައިވާކަމަށެވެ. އަދި އެހެން އަހަރުތަކެކޭ އެއްފަދައިން މިއަހަރުވެސް އެއް ސްކޫލުން އަނެއް ސްކޫލަށް ގިނަ އަދަދެއްގެ ދަރިވަރުން ބަދަލުވުމުގެ ސަބަބުން ، ފޮތް މަދުވެ ގިނަ ވުމަކީ އެކަށީގެންވާ ކަމެއްކަަމަށްވެސް އޮފިޝަލު ވިދާޅުވި އެވެ.
މީގެ އިތުރުން ފޮތް ފޮނުވިއިރު މިފަދަ ކަމެއް ވުން އެކަށީގެންވާކަަމަށް ވީނަމަވެސް ޖުމްލަގޮތެއްގައި ފޮތްތައް ބަހާފައިވަނީ ރަނގަޅަށްކަމަށް އޮފިޝަލު ފާހަގަކުރެއްވި އެވެ.
96،000 ދަރިވަރުންނާއި އެކު ދިރާސީ އަހަރުގެ ކިޔެވުން ފެށިގެން ދިޔައީ މި މެއި މަހުގެ 26 ގައެވެ.
