ފުލުހުން ބުނީ ހައްޔަރުކޮށްފައިވަނީ އުމުރުން 32 އަހަރުގެ ދިވެހި ފިރިހެނެއްކަމަށެވެ. އަދި މީނާ ހައްޔަރުކުރީ މަސްތުވާތަކެއްޗާ ދެކޮޅަށް ފުލުހުން ކުރަމުންދާ މަސައްކަތުގެ ތެރެއިން ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ބުދަ ދުވަހުގެ ރޭ 21:12 ހާއިރު ކަމަށެވެ.
މި މިހާ މަފުށީ ޖަލު ކައިރިން ހުއްޓުވާ ބަލާފާސްކުރުމުން އޭނާގެ އަތުން 38.4 ގުރާމުގެ ޑުރަގްސް ފެނިފައިވާކަމަށް ފުލުހުން ބުނެއެވެ. މި މީހާގެ ބަންދަށް ކޯޓުން ދިހަ ދުވަހުގެ މުއްދަތެއް ދީފައިވާކަމަށްވެސް ދިވެހި ފުލުހުންގެ ހިދުމަތުން ބުނެއެވެ.
މި މައްސަލަ ތަހުގީގު ކުރަމުން އަންނަކަމަށްް ފުލުހުން ބުނެއެވެ.
މާފުށީ ޖަލަށް މަސްތުވާތަކެއްޗާއި ފޯނާއި މީ ނޫންވެސް ތަކެތި ވަގަށް ވައްދާތީ ދޭތެރެ ދޭތެރެއިން ހާއްސަ އޮޕަރޭޝަންތައް އަންނަނީ ހިންގަމުންނެވެ. އަދި މީގެކުރިންވެސް ޖަލަށްް މަސްތުވާތަކެތި ވައްދަން މަސައްކަތް ކުރި ޖަލުގެ އޮފިސަަރުން ވަނީ އަތުލައިގެންފައެވެ.
