ތަޖުރިބާކާރު ފޯވާޑު، ކަވާނީ ގައުމީ ޓީމަށް ކުޅުން ހުއްޓާލިކަން އިއުލާންކުރިއިރު، އޭނާގެ އުމުރުން 37 އަހަރެވެ. "އެލް މަޓާޑޯ"ގެ ނަމުން މަޝްހޫރުވެފައިވާ ކަވާނީ އަކީ އުރުގުއޭގެ ގައުމީ ޓީމަށް އެންމެ ގިނަ މެޗު ކުޅުނު، އަދި ތިންވަނައަށް އެންމެ ގިނަ ލަނޑު ޖެހި ކުޅުންތެރިޔާއެވެ. އޭނާވަނީ އުރުގުއޭގެ ގައުމީ ޓީމަށް 136 މެޗުން 58 ގޯލް ޖަހާފައެވެ.
ކަވާނީ އެންމެ ފުރަތަމަ ގައުމީ ޓީމަށް ކުޅުނީ 2008 ވަނަ އަހަރުއެވެ. އޭނާވަނީ ހަތަރު ވޯލްޑްކަޕްގައި އުރުގުއޭއަށް ކުޅެފައެވެ. އޭގެ ތެރެއިން ފުރަތަމަ ވޯލްޑް ކަޕްގައި 2010 ވަނަ އަހަރު ސެމީ ފައިނަލަށް ދަތުރުކޮށް މުބާރާތުގެ އެންމެ މޮޅު ކުޅުންތެރިޔާގެ މަގާމު ހޯދި އެވެ. ކަވާނީވަނީ 2011 ވަނަ އަހަރު ކޮޕާ އެމެރިކާގެ ޗެމްޕިއަންކަން ހޯދި އުރުގުއޭ ޓީމުގައި މުހިއްމު ދައުރެއް އަދާކޮށްފައެވެ.
ކްލަބު ކެރިއަކުގައި ކުރިން ނަޕޯލީ، ޕެރިސް ސެއިންޓް ޖާމައިން އަދި މެންޗެސްޓާ ޔުނައިޓެޑަށް ކުޅުނު ކަވާނީ މިހާރު ކުޅެމުން އަންނަނީ އާޖެންޓީނާގެ ކްލަބް ބޮކާ ޖޫނިއާސް އަށެވެ.
