މިސްކިތްތަކާއި ވެށީގެ ސާފުތާހިރުކަމާ ގުޅޭ ގޮތުން އިސްލާމިކް މިނިސްޓްރީގައި ރޭ ބޭއްވި ބައްދަލުވުމެއްގައި ވިދާޅުވީ، މާލޭ ސަރަހައްދުގެ މިސްކިތްތަކުގައި ހުރި ފާހަނާތައް ފަސް ތަރީގެ ތަނަކަށް ބަދަލު ކުރުމުގެ މަސައްކަތްތައް ފަށާފައިވާ ކަމަށެވެ.
އެ ބައްދަލުވުމުގައި ވާހަކަދައްކަވަމުން އާޒިމް ވިދާޅުވީ، ގެއެއްގެ ފާހަނާ އެ ބަޔަކު ރީތިކޮށް ގެންގުޅޭނަމަ އެ ބަޔަކީ ސާފު ތާހިރުކޮށް އުޅޭ ބަޔެއް ކަމަށެވެ.
އާޒިމް ވިދާޅުވި ގޮތުގައި މިސްކިތްތައް އަދި މިސްކިތްތަކުގެ ފާހާނާތައް ސާފުކޮށް ބެލެހެއްޓުމުގައި ގޮންޖެހުންތަކެއް އެބަހުއްޓެވެ. އެކަމަކު، ދަތިކަމެއް ކުރިމަތިވުމަކީ އެ ކަމެއް ހުއްޓާލުން ނޫން ކަމަށް އޭނާ ވިދާޅުވި އެވެ. އޭގެ ބަދަލުގައި ކުރަންޖެހޭ ކަމަކީ އިތުރަށް އަޒުމް ވަރުގަދަކޮށް، އެ ކަމެއް ކާމިޔާބު ކުރަން މަސައްކަތް ކުރުން ކަމަށް މޭޔަރު ވިދާޅުވި އެވެ.
އިތުރަށް ވާހަކަދައްކަވަމުން މޭޔަރުވަނީ ފަތިސް ނަމާދުކޮށްގެން ވަރުގަދަ އަޒުމަކާއެކު ގަދަޔަށް މަސައްކަތްކޮށް، އެކަމަކުން އަނެކާއަށް ހިތްހަމަޖެހުން ހޯދައިދޭން މަސައްކަތް ކުރުމަށް ނަސޭހަތްތެރިވެލައްވައިފަ އެވެ.
ރޭގެ ހަފުލާގައި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވެސް ބައިވެރިވެވަޑައިގަތެވެ. އެ ހަފުލާގައި އޭނާ ވިދާޅުވީ، މިސްކިތްތައް ސާފުކޮށް ބެލެހެއްޓުމުގައި އޭނާ އާއި މިނިސްޓްރީގެ އެހީތެރިކަން މާލޭ ސިޓީ ކައުންސިލަށް އަބަދުވެސް ލިބޭނެ ކަމަށެވެ. އަދި ރައީސް ޑރ. މުހައްމަދު މުއިއްޒުގެ އިރުޝާދަކީ ވެސް އެއީ ކަމަށް ޝަހީމް ވިދާޅުވި އެވެ.
