އެކުންފުނިން ބުނީ ޔޫރޯ ފުޓްބޯޅަ މުބާރާތުގައި ބޭނުންކުރުމަށް ތީމް ސޯންގެއް (ދިވެހި ލަވައެއް) ތައްޔާރުކުރަން ނިންމާފައިވާކަމަށެވެ. އަދި މިލަވަ ހަދަން ބޭނުންވާ ބަޔަކު އެކަމަށް އެދި ހުށައެޅުމަށް އެކުންފުނިން ވަނީ ހުޅުވާލާފައެވެ.
މި ލަވަ ތައްޔާރުކޮށްދޭ ފަރާތުން ލަވައިގެ ޅެން ހެދުމާއި، ލަވައިގެ މިއުޒިކް ރެކޯޑިން ހެދުމާއި ލަވައިގެ މިކްސިން އަދި މާސްޓަރިންވެސް ހަދަން ވާނެކަމަށްް ޕީއެސްއެމުން ބުނެއެވެ. އަދި މިކަމަށް ޝައުގުވެރިވާ ފަރާތްތަކުން އަންނަ ހޯމަދުވަހުގެ ކުރިން ކޯޓޭޝަން ހުށައެޅުމަށް އެކުންފުނިން އެދެއެވެ.
މިމަހު 14ގައި ފަށާ ޔޫރޯ ޕީއެސްއެމުން ދެއްކުމަށް ރައިޓްސް ގަނެފައިވަނީ 3.8 މިލިއަން ރުފިޔާއަށެވެ. އެހެންނަމަވެސް އެ ކުންފުނިން އިންޑިއާގެ "ސޮނީ" ކުންފުންޏަށް ނުދައްކާ ހުރި ފައިސާއާ އެކު މިފަހަރުގެ ޔޫރޯ ދައްކަން 12 މިލިއަން ދައްކަން ޖެހޭކަން ވަނީ އެނގިފައެވެ.
ޕީއެސްއެމްގެ ދަރަނީ 261 މިލިއަން ރުފިޔާއަށް އަރާކަމަށް އެކުންފުނީގެ މެނޭޖިން ޑިރެކްޓަރު ޒިނާ ޒާހިރު މިދިޔަ ހަފްތާގައި ވަނީ ވިދާޅުވެފައެވެ.
މިއަހަރުގެ ޔޫރީ ކުރިޔަށް ދާނީ މިމަހުގ 14 އިން އަންނަ ޖުލައި މަހުގެ 14ގެ ނިޔަލަށެވެ. ޖަރުމަނުގެ 10 ސިޓީއެއްގައި ކުރިޔަށްދާ މި މުބާރާތުގައި 24 ޓީމަކުން ވާދަކުރާނެއެވެ.
