އޭޝިއާގެ ކްލަބް ފުޓްބޯޅަ ޒަމާނީ އާ ބަދަލަކާ ދިމާލަށް ދަތުރުކުރަމުންދާއިރު، އޭޝިއަން ފުޓްބޯޅަ ކޮންފެޑެރޭޝަން (އޭއެފްސީ) އިން ވަނީ ތިން ދަރަޖައިގެ ކްލަބް މުބާރާތްތަކުގައި ވެސް ވީއޭއާރު ނިޒާމު ތަންފީޒު ކުރަން ނިންމާފައިވާކަން ހާމަކޮށްފައެވެ.
އޭޝިއާ ބައްރުގެ ގަދަ 24 ޓީމު ވާދަކުރާ އަލަށް ތައާރަފްކުރި އޭއެފްސީ ޗެމްޕިއަންސް ލީގު އެލީޓް، އަންނަ ސެޕްޓެމްބަރު މަހު ފެށޭއިރު، މި މުބާރާތުގައި ވީއޭއާރު ބޭނުންކުރާނެއެވެ. އަދި އޮކްޓޯބަރު މަހު ފަށާ ލޭންޑްމާކް އޭއެފްސީ ވިމެންސް ޗެމްޕިއަންސް ލީގުގައި ފުރަތަމަ އެޑިޝަންގައި ސެމީ ފައިނަލާއި ފައިނަލުގައި ވީއޭއާރު ސިސްޓަމް ބޭނުންކުރާނެވެ.
މީގެ އިތުރުން އޭއެފްސީ ޗެމްޕިއަންސް ލީގު ޓޫގައި ވީއޭއާރު ބޭނުންކުރަން ފަށާނީ ނޮކްއައުޓް ސްޓޭޖުން ފެށިގެންނެވެ. އަދި އޭއެފްސީ ޕިރަމިޑްގެ އެންމެ ފުލުގައި އޮންނަ، އޭއެފްސީ ޗެލެންޖް ލީގުގައި ވީއޭއާރު ބޭނުންކުރަން ފަށާނީ އެ މުބާރާތުގެ ފައިނަލުން ފެށިގެންނެވެ.
