ލަންކާގެ ޑިޒާސްޓާ މެނޭޖްމަންޓް ސެންޓަރު (ޑީއެމްސީ) އިން ބުނި ލަންކާގައި ފެން ބޮޑުވުމުގެ ސަބަބުން 10 މީހަކު މަރުވެ، ހަ މީހަކު ގެއްލިފައި ވާއިރު 20 މީހަކު ޒަހަމްވެފައި ވެއެވެ.
އަދި 12000 އަށް ވުރެ ގިނަ މީހުންނަށް ގެއްލުމުގެ ސީދާ އަސަރު ކޮށްފައި ވާއިރު 3500 އަށްވުރެ ގިނަ މީހުން ގެދޮރު ވަނީ ގެއްލިފަ އެވެ.
ލަންކާގެ 25 އަވަށްތަކުގެ ތެރެއިން 20 އަވަށެއްގައި ފެންބޮޑުވުމުގެ ހާދިސާ ދިމާވެފައިވާއިރު ސަރުކާރުން ވަނީ ސަލާމަތީ ފިޔަވަޅުތައް އަޅައިގެން ތިބުމަށާއި ރައްކާތެރިވެ ތިބުމަށް އިލްތިމާސްކޮށްފަ އެވެ. އަދި އެގައުމުގައި މިހާރު ވަނީ ގައުމީ ނުރައްކަލުގެ ހާލަތު އިއުލާންކޮށްފަ އެވެ.
ސްރީލަންކާއަށް ކުރަމުންދާ ގަދަ ވިއްސާރައިގައި ފެންބޮޑުވެފައިވާ މަގަކުން މީހަކު ސައިކަލެއްގައި ދުއްވަނީ
ލަންކާ ސިފައިން ބުނީ ގެދޮރު ގެއްލިފައިވާ މީހުނަށް ކާބޯތަކެތި ފޯރުކޮށް ދެމުން ގެންދާ ކަމަށާއި ހާލަތު ބަލައި ކަރަންޓު ނެތް ސަރަހައްދުތަކަށް ކަރަންޓް އަލުން ދޭން ވެސް މަސައްކަތް ކުރާ ކަމަށެވެ.
އޭނާ ވިދާޅުވީ ވެރިރަށް ކޮލަމްބޯ އާއި ދެކުނުގެ އެހެން ސަރަހައްދުތަކުގައި ފެން ބޮޑުވުމުގެ ނުރައްކާ ވަރަށް ހަލުއި ކަމާއެކު އިތުރު ވަމުންދާ ކަމަށެވެ. އާދަޔާ ހިލާފަށް ބޯކޮށް ވާރޭވެހުމުގެ ސަބަބުން ނުވަ ސަރަހައްދުުގައި ބިންގަނޑު ކަނޑައިގެން ދިޔުމުގެ ހާދިސާތައް ރިޕޯޓް ލިބިފައިވާކަމަށެވެ.
