މޯލްޑިވްސް ސްޕޯޓްސް އެވޯޑްސް 2024 ގައި ކުޅިވަރަށް ޚިދުމަތްކުރުމުގެ ދާއިރާއިން ލައިފްޓައިމް އެޗީވްމަންޓް އެވޯޑް ހާސިލް ކުރެއްވި ދެ ބޭފުޅުންގެ އެވޯޑް ހަވާލުކޮށްދެއްވީ ރައީސް ޑރ. މުހައްމަދު މުއިއްޒުއެވެ.
ސައްތާރު ވަނީ ރާއްޖެއިން ފުރަތަމަ ބައިވެރިވި ބައިނަލްއަގުވާމީ ކުޅިވަރު މުބާރާތް ކަމަށްވާ "އޭޝިއަން އެފްރިކަން އެންޑް ލެޓިން އެމެރިކަން ފްރެންޑްޝިޕް އިންވިޓޭޝަނަލް ޓޭބަލް ޓެނިސް ޓޯނަމަންޓް" ގެ ޓީމުގެ ކެޕްޓަންކަން ކުރައްވާފައެވެ. ސައްތާރަކީ ޓެނިހާއި، ފުޓްބޯޅައާއި، ޓޭބަލް ޓެނިހާއި، ބެޑްމިންޓަން ފަދަ ކުޅިވަރުތަކުގައި ފާހަގަކޮށްލެވުނު ކުޅުންތެރިއެކެވެ.
ކުޅިވަރަށް ހިދުމަތްކުރުމުގެ ދާއިރާއިން ލައިފްޓައިމް އެޗީވްމަންޓް އެވޯޑް ދެން ލިބިވަޑައިގެންނެވި އަލް މަރްހޫމް އަހްމަދު ހާފިޒަކީ ދިވެހި ކުޅިވަރުގެ ލެޖެންޑެކެވެ. ހާފިޒު އެންމެ ބޮޑަށް ފާހަގަކޮށްލެވުނީ ބާސްކެޓްބޯޅައިންނެވެ.
