ބީއެމްއެލް މެއިން ބްރާންޗްގެ ސެލްފް ސާވިސް ބޭންކިން ސެންޓަރުގައި ޑޮލަރު އޭޓީއެމްއެއް ވަނީ ބަހައްޓާފައި - ފޮޓޯ:ބީއެމްއެލް
ބީއެމްއެލްގެ ޑޮލަރު އޭޓީއެމްއެއް މެއިން ބްރާންޗްގެ ސެލްފް ސާވިސް ބޭންކިން ސެންޓަރަށް
މުހައްމަދު އަތީފް
03 ޖޫން 2024 - 15:55:56
ބޭންކް އޮފް މޯލްޑިވްސް (ބީއެމްއެލް) އިން ޑޮލަރު އޭޓީއެމްއެއް އެ ބޭންކުގެ މެއިން ބްރާންޗްގެ ސެލްފް ސާވިސް ބޭންކިން ސެންޓަރުގައި ބަހައްޓައިފި އެވެ.
Advertisement
ބީއެމްއެލުން ބުނީ އެ ބޭންކުން ހިދުމަތް ހޯދާ ކަސްޓަމަރުންނަށް ފަސޭހަ ކޮށްދިނުމުގެ ގޮތުން ހަމައެކަނި ޑޮލަރު ޖަމާކުރެވޭ އޭޓީއެމްއެއް ބޭންކުގެ މެއިން ބްރާންޗްގެ ސެލްފް ސާވިސް ބޭންކިން ސެންޓަރުގައި ބަހައްޓާފައިވާ ކަމަށެވެ.
މި އޭޓީއެމް އާއެކު ކަސްޓަމަރުންނަށް ޑޮލަރު ޖަމާކުރަން ބޭންކު ބްރާންޗްގެ ކިޔުގައި ނުޖެހި ޑޮލަރު ޖަމާކުރުމަށް ފަސޭހަވާނެ ކަމަށް ބީއެމްއެލުން ބުނެ އެވެ.
ބީއެމްއެލުން މާލޭގައި ހިންގަމުން އަންނަ ޑޮލަރު އޭޓީއެމް ސެންޓަރު ހުންނަނީ ބީއެމްއެލްގެ މަޖީދީ މަގު ބްރާންޗު ހުންނަ މ. ސްޓާ ކްލައުޑް، ކުރީގެ ސްޓާ ސިނަމާ ހިންގި އިމާރާތުގަ އެވެ.
މާލެ އާއި ވެލާނާ އިންޓަނޭޝަނަލް އެއާޕޯޓުގެ އިތުރުން ހުޅުމާލޭގައި ބީއެމްއެލްގެ ޑޮލަރު އޭޓީއެމް ސެންޓަރުތައް ހުރެ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
