ކެރަމް އެސޯސިއޭޝަނުން އިއުލާންކޮށްފައިވަނީ އަންނަ މަހު ހަތަރުވަނަ ދުވަހު އިންޓައޮފީސް ކެރަމް މުބާރާތް ފަށާށެވެ. އެއީ 11 ވަނަ އިންޓަ އޮފީސް ކެރަމް މުބާރާތެވެ.
މި މުބާރާތުގައި ބައިވެރިވުމަށް ބޭނުންވާ އޮފީސްތަކުން ޖޫން މަހުގެ 30 ވަނަ ދުވަހުގެ ނިޔަލަށް އެޕްލިކޭޝަން ހުށަހަޅަން ޖެހޭނެ ކަމަށް ކެރަމް އެސޯސިއޭޝަނުން ބުންޏެވެ. މުބާރާތުގެ ގުރުއަތު ލުން ޖޫން ދެވަނަ ދުވަހު ހުޅުމާލޭގައި ބޭއްވުމަށް ކެރަމް އެސޯސިއޭޝަނުންވަނީ އިއުލާންކޮށްފައެވެ.
އިންޓައޮފީސް ކެރަމް މުބާރާތުގައި ޕްރައިވެޓް ކުންފުނިތަކަށްވެސް ބައިވެރިވެވޭނެއެވެ. މި މުބާރާތުގައި އަންހެން އަދި ފިރިހެން، ސިންގްސް، ޑަބަލްސް އަދި ޓީމް އިވެންޓް އޮންނާނެއެވެ. މުބާރާތުގައި ބައިވެރިވުމަށް ކޮންމެ ޓީމަކުންވެސް 1500 ރުފިޔާގެ ޕާޓިސިޕޭޝަން ފީއެއް ދައްކަން ޖެހޭނެ ކަމަށް ކެރަމް އެސޯސިއޭޝަނުން އާއްމުކޮށްފައިވާ މުބާރާތުގެ ގަވައިދުގައި ބުނެފައިވެއެވެ.
