ފުލުހުން މި ފަހަރު ހޯދަން އިއުލާންކުރި ދެ މީހުންނަކީ ށ. ފުނަދޫ ޕޮލިސް ސްޓޭޝަނުން ތަހުގީގު ކުރަމުންދާ މައްސަލައަކާއި ގުޅިގެން ހޯދަމުން އަންނަ ބަޔަކެވެ.
ފުލުހުން ހޯދަމުން ގެންދަނީ މާލެއަށް ނިސްބަތްވާ ދެމީހުންނެވެ. އެއީ ދަފްތަރު.ނަމްބަރު ދރ 1387 އުމުރުން 45 އަހަރުގެ އަލީ ރަޝީދާއި އަނަސަމް އުމުރުން 31 އަހަރުގެ ލުގްމާން އިސްމާއީލްއެވެ.
ފުލުހުން ބުނީ މި ދެމީހުން ހޯދަމުން އަންނަނީ މަކަރާއި ހީލަތުން ފައިސާ ހޯދިކަމަށް ތުހުމަތުކުރެވޭ މައްސަލައެއްގެ ތަހުގީގަށް ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުންކަމަށެވެ. އަދި މި މީހުންނަށް ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ މިމަހުގެ 10 ވަނަދުވަހު އެންމެ ކައިރީގައި ހުރި ފުލުހުންގެ މަރުކަޒަކަށް ހާޒިރުވުމަށް ވަނީ އަންގާފައެވެ.
މަކަރާއި ހީލަތުން މީހުންގެ އަތުން ފައިސާ އަތުލާ ފިލައިގެން އުޅޭ މީހުން ހޯދުމަށް ފުލުހުން އިއުލާންކުރަމުން އަންނަ މިންވަރު ފަހަކަށް އައިސް ވަނީ އިތުރުވެފައެވެ.
