ފިނޭންސް މިނިސްޓަރު ޝަފީގު ކޮމެޓީއަށް ހާޒުރުކުރަން ހުށައެޅި ސަރުކާރުގެ މެމްބަރު އަދި ރައްޔިތުން މަޖިލީހުގައި ނައިބު ރައީސް ދިއްގަރު ދާއިރާގެ މެމްބަރު އަހްމަދު ނާޒިމްއެވެ. ނާޒިމްގެ މި ހުށަހެޅުމަށް ކޮމެޓީން ފާސްކުރީ ކޮމެޓީ މެންބަރުންގެ އިއްތިފާގުންނެވެ.
މިނިސްޓަރު ހާޒިރުކުރަން ހުށައަޅުއްވަމުން ނާޒިމް ވިދާޅުވީ ރާއްޖޭގެ މާލީ ހާލަތު އޮތް ގޮތް މަޖިލީހަށް ރަނގަޅަށް އެގެންޖެހޭކަމަށެވެ.
މާލިއްޔަތު ކޮމެޓީ
1. ގާސިމް އިބްރާހިމް (މުގައްރިރު)
2. އަހްމަދު ސަލީމް (ނައިބު މުގައްރިރު)
3. އަހްމަދު ނާޒިމް (މަޖިލިސް ނައިބު ރައީސް)
4. މުހައްމަދު މަމްދޫހް (ފުނަދޫ ދާއިރާ)
5. އަހްމަދު އަޒާން (ހިތަދޫ މެދު ދާއިރާ)
6. އަބްދުﷲ ޝަރީފް (ކެލާ ދާއިރާ)
7. ހަމަދު އަބްދުﷲ (ފުވައްމުލަކު އުތުރު ދާއިރާ)
8. އިބްރާހިމް ސުޖާއު (ބާރަށު ދާއިރާ)
9. އަސަދުﷲ ޝިހާބް (ގެމަނަފުށީ ދާއިރާ)
10. އަބްދުﷲ ޝަމްހީދު (ހުޅުމާލެ ދެކުނު ދާއިރާ)
11. އަބްދުލްގަފޫރު މޫސާ (ހަނިމާދޫ ދާއިރާ)
11 މެމްބަރުން ތިއްބަވާ މި ކޮމެޓިގައި ހިމެނޭ އެމްޑީޕީގެ ދެ މެމްބަރުންކަމަށްވާ ހުޅުމާލެ ދެކުނު ދާއިރާގެ މެމްބަރު އަބްދުﷲ ޝަމްހީދާއި ހަނިމާދޫ ދާއިރާގެ މެމްބަރު އަބްދުލްގަފޫރު މޫސާވެސް ވަނީ މި ހުށައެޅުމަށް ތާއީދުކޮށްފައެވެ. ކޮމެޓީއަށް ފިނޭންސް މިނިސްޓަރު ޑރ. މުހައްމަދު ޝަފީގް ހާޒިރުކުރާނެ ތާރީހެއް ނުނިންމައެވެ.
