އެންގިފައިވާ ގޮތުގައި ބަލި ފެނިފައިވަނީ އެ ސްކޫލްގެ ގްރޭޑު ނުވައެއްގައި ކިޔަވަމުން ދާ ދަރިވަރެއްގެ ގައިންނެވެ. އަދި މި ކުއްޖާ ގައިން މި ބަލި ފެނުމުން އޭނާއާ އެއް ކުލާހެއްގައި ކިޔަވަމުންދާ ދަރިވަރުންގެ ޓެސްޓް ހެދުމުގެ މަސައްކަތް އެޗްޕީއޭއިން އަންނަނީ ކުރަމުންނެވެ.
ބަލި ފެނުނު ދަރިވަރުގެ މައުލޫމާތު އެޗްޕީއޭއަށް ހިއްސާކޮށް އެ އިދާރާގެ ލަފާގެ މަތިން ދަރިވަރުގެ ހާލަތު ވަރަށް ކައިރިން ބަލަމުން އަންނަކަމަށް އެޑިއުކޭޝަންގެ އޮފިޝަލަކު ވިދާޅުވިއެވެ.
ޓީބީ އަކީ ގައިން ގަޔަށް އަރާ ބައްޔެކެވެ. ރާއްޖޭގެ ސްކޫލް ދަރިވަރެއްގެ ގައިން އެންމެ ފަހުން ޓީބީ ފެނުނީ 2022 ވަނަ އަހަރުއެވެ. އެ ފަހަރު މި ބަލި ފެނުނީ ސެންޓާ ފޯ ހަޔާ ސެކަންޑަރީ އެޑިއުކޭޝަން (ސީއެޗްއެސްއީ) އިންނެވެ.
ރާއްޖެއިން ނައްތާލެވިފައިވާ ބައެއް ބަލިތައް މަދުން ނަމަވެސް މިހާރު އަންނަނީ ފެންނަމުންނެވެ.
