ފައްޔާޒު އެއކްސްގައި ކުރެއްވި ޕޯސްޓެއްގައި ވަނީ އިންޑިޔާއަކީ ދިވެހިރާއްޖެއަށް ވަރަށް އަގުހުރި ރަހުމަތްތެރިއެއްކަމާއި ދެ ގައުމުގެ އޮތީ ގާތް ގުޅުމެއްކަން ފާހަގަކުރައްވާފައެވެ. އަދި މޯދީގެ މި ދައުރުގައިވެސް ދެ ގައުމުގެ ގުޅުން އިތުރަށް ބަދަހިވެ އެކުގައި ގިނަ މަސައްކަތްތަކެއް ކުރެވޭނެކަމަށްް މަގުތަކެއް ފަހިވެގެންދާނެ ކަމަށް އުންމީދުކުރައްވާކަމަށެވެ.
މިދިޔަ މަހު ފަށައި މި މަހު ނިންމާލި ބިޔަ އިންތިހާބުގެ ނަތީޖާ މިހާރު އިއުލާނުކުރަމުން ދާއިރު، މިހާތަނަށް ވޯޓުގެ 95 ޕަސެންޓް ގުނާފައި ވާއިރު ބީޖޭޕީގެ ވޯޓުގެ ނިސްބަތަކީ 36.9 ޕަސެންޓެވެ. މިއީ 2019 ވަނަ އަހަރުގެ އިންތިހާބާ އަޅާބަލާއިރު ވަރަށް ބޮޑު ދަށްވުމެކެވެ.
ބޮޑުވަޒީރު މޯދީއަށް އޭނާގެ ވާދަކުރެއްވި ވަރްނާސީ ސިޓީގެ ދާއިރާއިން ކާމިޔާބު ހޯއްދެވުނީ 152،000 ވޯޓުގެ ތަފާތަކުންނެވެ. އެކަމަކު އެންމެ ފަހުން އޭނާ ކާމިޔާބުކުރެއްވި އިރު ބައި މިލިއަން ވޯޓުގެ ފަރަގު ހުއްޓެވެ.
