އުމުރުން 60 އަހަރު މި ފިރިހެން މީހާ ފުނަދޫން ހައްޔަރުކުރީ މިދިޔަ މޭމަހުގެ 3 ވަނަދުވަހަހުއެވެ. އެދުވަހު އޭނާ ފުނަދޫ މެޖިސްޓްރޭޓް ކޯޓަށް ގެންދިޔުމުން 15 ދުވަހުގެ ބަންދުގެ މުއްދަތެއް ދިނެވެ. އެ މުއްދަތު ހަމަވުމުން ދެން އެނާ ގެންދިޔައީ ކުޅުދުއްފުށި ކޯޓަށެވެ. އެކޯޓުން އޭނާގެ ބަންދަށް އިތުރު 10 ދުވަސް ޖަހާދިނެވެ. އޭގެ ފަހުންވެސް ކޯޓުން ވަނީ އޭނާގެ ބަންދަށް އިތުރު 5 ދުވަސް ޖަހާދީފައެވެ.
ބަންދުގައި ހުންނަތާ މަސްދުވަހުން އޭނާ ކޯޓުން މިނިވަންކުރީ އެ މިހާގެ ބަންދު އިތުރުކުރުމަށް އަނެއްކާވެސް ފުލުހުން އޭނާ ގޮވައިގެން ކޯޓަށް ދިޔުމުންނެވެ.
މި މައްސަލަ ފެންމަތިވި ދުވަހު މިހާ ސިހުރު ހަދާކަމަށް ބުނެ އެ ރަށުގެ ރައްޔިތުން ވަނީ އިހްތިޖާޖުވެސްކޮށްފައެވެ. އަދި އެ މިހާ ކޯޓަށް ގެންދިޔަ ވަގުތު އެތަނަށް މީހުން އެއްވުމުން މީހުން ދުރުކުރުމުގައި ފުލުހުން ޕެޕާ ސްޕްރޭވެސް ބޭނުންކުރަން ޖެހުނެވެ.
