ރާއްޖޭގެ އެކި ސަރަހައްދުތައް ބޭނުންނާ ގޮތައް އެ އެ ސަރަހައްދެއްގެ ފުލުހުންގެ ހިދުމަތް ބައްޓަން ކުރުމުގެ މަގްސަދުގައި މާލޭން ކޮންޓްރޯލް ކުރާ ވަރަށް ގިނަ ކަންތައްތަކެއް ރީޖަންތަކުގެ ކޮމާންޑަރުންގެ އަތްމައްޗަށް ދޫކުރެވިގެންދާނެކަަމަށް ޕޮލިސް ކޮމިޝަނަރު އަލީ ސުޖާއު ވިދާޅުވެއްޖެ އެވެ.
ޕޮލިސް ކޮމިިޝަނަރު އަލީ ސުޖާއު އެފަދައިން ހާމަކުރީ އިއްޔެ އިސްކަންދަރު ބިލްޑިންގައި ބޭއްވި ކުރިއަށް އޮތް 5 އަހަރުގެ ސްޓްރެޓެޖިކް ޕްލޭން އިފްތިތާހުކުރުމަށް ބޭއްވި ރަސްމިޔާތުގަ އެވެ.
"އަތޮޅުތެރޭގައި ގާއިމްކުރެވިފައިވާ ކައުންސިލުތަކަށް އަދި ސިޓީތަކުގެ އައްޔަންކުރެވިފައި ތިއްބެވި މޭޔަރުންނަށް އަދި ކައުންސިލަރުންނާ ފުޅާ ދާއިރާއެއްގައި މަޝްވަރާކުރެވިގެން އެ ރީޖަންއަަކަށް ބޭނުންނާ ގޮތައް އެ ރީޖަންއެއްގެ ފުލުހުންގެ ހިދުމަތް ބައްޓަން ކުރުމުގެ މަގްސަދުގައި އަޅުގަނޑުމެން ރީޖަންތަކަށް މިހާރު ދީފައިވާ މާލޭން މި ކޮންޓްރޯލް ކުރާ ވަރަށް ގިނަ ކަންތައްތަކެއް ރީޖަންތަކުގެ ކޮމާންޑަރުންގެ އަތްމައްޗަށް ދޫކުރެވިގެންދާނެ" ޕޮލިސް ކޮމިޝަނާ ސުޖާއު ވިދާޅުވި އެވެ.
ސުޖާއު ވިދާޅުވީ ރައްޔިތުން ފުލުހުންނަށް ކުރާ އިތުބާރު ދެމެހެއްޓުމަށް ފުލުހުންގެ ހިދުމަތަކީ 2 ފުއް ފެންނަ ޕްރޮފެޝަނަލް ހިދުމަަތަކަށް ހަދާ ނަޒާހަތްތެރިކަމުގެ ސަގާފަތެއް އުފެއްދުން މުހިއްމުކަމަށެވެ. ފުލުހުންގެ ގާނޫނަކީ ފުލުހުންގެ ހިދުމަތް ދިނުމަށްޓަކައި ވަކި ހަމަތަކެއް ގާއިމްކުރެވި އެ ހިދުމަތް ދިނުމުގައި މިންތަކެއް ކަނޑައެޅިފައިއޮތް ގާނޫނެއް ކަަމަށް ފާހަގަކުރައްވާ ސުޖާއު ވިދާޅުވީ ފުލުހުންގެ މަސައްކަތްތައް އިތުރަށް ހަރުދަނާ ކުރުމުގެ ގޮތުން ގާނޫނުގެ ތެރެއިން ގިނަ މަސައްކަތްތަކެއް ކުރަން ހަަމަޖެހިފައިވާކަަމަށެވެ.އަދި އެކަންކަމުގެ ތެރެއިން ފައްޓަވާފައިވާކަމަކަށް ޕޮލިސް ކޮމިޝަނަާ ސުޖާއު އަލިއަޅުއްވާލި އެވެ.
"އަޅުގަނޑުމެން މިހާރުވެސް ފެއްޓިފައިވާ އެއްކަމެއް އެއީ އަތޮޅު ތެރޭގައި ފުލުހުންގެ ހިދުމަތް ލާމަރުކަޒުކުރުން، އެހެންވީމާ ލާމަރުކަޒު ކުރުމަށްޓަކައި އަޅުގަނޑުމެން ކަނޑައަޅާފައިވާ ބައެއް ކަންތައްތައް ވަރަށް ތަރުތީބުކޮށް ޕްލޭންގެ ދަށުން ކުރިއަށް މި އޮތް 4 އަހަރު ދުވަހުގެ ތެރޭގައި ތަންފީޒްކުރެވިގެންދާކަން ފެނިގެންދާނެ ،މި ސަރުކާރުން ކަނަޑައަޅާފައިވާ ލާމަރުކަޒުކުރުމުގެ އެންމެ ފުރިހަމަ ނަމޫނާ ފުލުހުންގެ ހިދުމަތް ދިނުމުގައި ފެނިގެންދާނެ" ސުޖާއު ވިދާޅުވި އެވެ
މި ޕްރެސް ކޮންފެރެންސްގައި އަލީ ސުޖާއު ވިދާޅުވީ ކުރިއަށްއޮތް 5 އަހަރަށް އެކުލަވާލައި ފުލުހުންގެ ސްޓްރެޓެޖިކް ޕްލޭންއާއި އެކު ކުރިއަށް އޮތް 5 އަހަރު ތެރޭ ފުލުހުންގެ ހިދުމަތުގެ ފެންވަރު އިތުރަށް ރަނގަޅުކުރުމަށް ގިނަ މަސައްކަތްތަކެއް ކުރެވިގެންދާނެކަަމަށެވެ. އަދި އެ މަސައްކަތްތަކުގެ ތެރޭގައި މުހިއްމުކަންކަން ހާސިލް ވެގެންދާނެކަމަށްވެސް ސުޖާއު ވިދާޅުވި އެވެ.
