ނިހާން އެމަގާމަށް އައްޔަންކުރީ ރައްޔިތުންގެ މަޖިލީހުގެ ރައީސް އަބްދުއްރަޙީމް އަބްދުالله ކަމަށް މަޖިލީހުގެ އިދާރާއިން ބުނެއެވެ.
މަޖިލީހުން ބުނީ ނިހާން އެ މަގާމަށް އައްޔަންކުރީ މަޖލީހުގެ ރައީސް އަބްދުއްރަހީމް ގެ މަސައްކަތަށް އެހީވެދިނުމަށްކަމަށެވެ. އަދި އޭނާ އެ މަގާމަށް އައްޔަންކުރީ ޕާލަމެންޓަރީ ސާވިސް ގަވާއިދުގެ ދަށުންކަމަށްވެސް މަޖިލީހުން ބުނެއެވެ.
17 ވަނަ އަދި 18 ވަނަ ރައްޔިތުން މަޖލީހުގައި ނިހާން ވަނީ މެމްބަރުކަން ކުރައްވާފައެވެ. ދެ ދައުރުވެސް ހުންނެވީ ވިލިމާލެ ދާއިރާގެ މެމްބަރުގެ ގޮތުގައެވެ. އަދި އެ ދެ ދައުރުވެސް އޭނާ ވަނީ ޕާޓީގެ ޕީޖީ ލީޑަރަކުންކަން ކުރައްވާފައެވެ. 18 ވަނަ މަޖިލީހުގެ މެޖޯރިޓީ ލީޑަރަކީ ނިހާންއެވެ.
2018 ގެ އިންތިހާބުން ޕީޕީއެމް ބަލިވުމުން ނިހާން ވަނީ އެޕާޓިން ވަކިވެ ޖުމްހޫރީ ޕާޓީއާ ގުޅިފައެވެ. މިހާތަނަށްވެސް އެނާ ހުންނެވީ ޖޭޕީގެ ލީޑަރު ގާސިމް އިބްރާހިމް އެޑްވައިޒަރުގެ މަގާމުގައެވެ.
މިހާތަނަށް އިދާރާގެ ބިއުރޯ ޗީފަކަށް ހުންނެވީ ކުރީގެ ރައީސް އިބްރާހިމް މުހައްމަދު ސާލިހްގެ ކޮއްކޯފުޅު ފާތިމަތު މުހައްމަދު ސާލިހްއެވެ. ފާތިމަތު އެ މަގާމަށް އައްޔަންކރީ މަޖިލީހުގެ ރައީސްކަމަށް މުހައްމަދު އަސްލަމް ވަޑައިގެން މިދިޔަ އަހަރުގެ ޑިސެމްބަރު 4 ގައެވެ.
