އުމުރުން 39 އަހަރުގެ ޗެތްރީ ގައުމީ ޓީމަށް ކުޅުނު ފަހު މެޗުންވީ އެއްވަރެވެ. އެއީ، ވޯލްޑް ކަޕް ކޮލިފައިންގައި ކުވެއިތާ ދެކޮޅަށް ކުޅުނު މެޗެވެ. އެންމެ ފަހުން އޮތް ސާފް ޗެމްޕިއަންޝިޕް އިންޑިޔާއިން ކާމިޔާބު ކުރީ ކުވައިތު ބަލިކޮށްގެނެވެ.
ސާފް ޗެމްޕިއަންޝިޕްގައިވެސް އެންމެ ގިނަ ލަނޑު ޖެހި އެއް ކުޅުންތެރިޔާ ކަމަށްވާ ސުނިލް ޗެތްރީ ގައުމީ ޓީމަށް ކުޅުނު ހުއްޓާލީ 19 އަހަރު އިންޑިޔާގެ ގައުމީ ޓީމަށް ކުޅުމަށް ފަހުއެވެ. ކުޅުން ހުއްޓާލިއިރު، ގައުމީ ޓީމަށް އެންމެ ގިނަ ލަނޑު ޖެހި ކުޅުންތެރިންގެ ލިސްޓްގައި ތިންވަނައިގަ އޮތީ ޗެތްރީއެވެ. އެ ލިސްޓުގައި ޗެތްރީގެ ކުރީގައި ތިބި ދެ ކުޅުންތެރިންނަކީ ކްރިސްޓިއާނޯ ރޮނާލްޑޯ އާއި ލިއޮނެލް މެސީއެވެ.
ޗެތްރީވަނީ ގައުމީ ޓީމާއެކު އަދި ކްލަބާއެކު ރާއްޖޭގައިވެސް އަދި ދިވެހި ކްލަބުތަކާ ދެކޮޅަށް އެތައް ފަހަރަކު ކުޅެފައެވެ. އިންޑިޔާގެ ގައުމީ ޓީމަށް އެންމެ ގިނަ ލަނޑު ޖެހި ކުޅުންތެރިޔާގެ ރެކޯޑްވެސް ހޯލްޑްކުރާ ޗެތްރީ ގައުމީ ޓީމަށް ޖެހި ޖުމްލަ ލަނޑުގެ އަދަދީ 94 އެވެ. ޗެތްރީވަނީ 151 މެޗު ގައުމީ ޓީމަށް ކުޅެފައެވެ.
