އަނިޔާގެ ސަބަބުން ހެރީ މެގުއާ ޓީމުން ބާކީކުރި ކަމަށް ބީބީސީން ރިޕޯޓްކޮށްފައިވިޔަސް އެކަން ރަސްމީކޮށް ޓީމުން އަދި ހާމައެއް ނުކުރެއެވެ. ރިޕޯޓްތައް ބުނާ ގޮތުުން ޔޫރޯގެ ކުރިން ކުޅޭ އެންމެ ފަހު ފްރެންޑްލީ މެޗުގެ ކުރިން މެގުއާ ޓީމުން ބާކީކުރިކަން ހާމަކުރާނެއެވެ. ޔޫރޯގެ ކުރިން ކުޅޭ އެންމެ ފަހު ފްރެންޑްލީ މެޗުގައި ހުކުރު ދުވަހު އިންގްލެންޑް ނުކުންނާނީ އައިސްލަންޑާ ދެކޮޅަށެވެ. މި މެޗު ކުޅޭނީ ވެމްބްލީގައެވެ.
މެގުއާ ޓީމުން ބާކީ ކުރިކަމަށް ބީބީސީން ރިޕޯޓްކޮށްފައިވާއިރު، މެގުއާއަށް އަނިޔާވީ އެފްއޭ ކަޕްގެ ފައިނަލްގައި ސިޓީ އަތުން ޔުނައިޓެޑު މޮޅުވި މެޗުގައެވެ. އުމުރުން 31 އަހަރުގެ މެގުއާވަނީ ކުރިންވެސް އޭނާއަށް ނުކުޅެވިދާނެ ކަމަށް ދޭހަވާ ގޮތަކަށް ވާހަކަ ދައްކާފައެވެ. މެގުއާވަނީ މިހާތަނަށް އިގިރޭސި ގައުމީ ޓީމަށް 63 މެޗު ކުޅެފައެވެ.
ޔޫރޯގައި އިންގްލަންޑް ހިމެނެނީ ގްރޫޕް ސީގައެވެ. މި ގްރޫޕިގައި ދެން ހިމެނެނީ ސްލޮވީނިއާ، ޑެންމާކު އަދި ސާބިއާއެވެ.
