އެޑިއުކޭޝަން މިނިސްޓްރީގެ ބައެއް އިސްވެރިންނާއި ސްކޫލްގެ މެނޭޖުމަންޓުން މިއަދު ހަވީރު އިއްޒުއްދީން ސްކޫލްގެ ބެލެނިވެރިންނާ ބައްދަލުކުރުމަށްފަހު، އެޑިއުކޭޝަން މިނިސްޓްރީގެ މީޑިއާ އިސް ބޭފުޅަކު ވިދާޅުވީ، އިއްޒުދީން ސްކޫލްގެ ސްޓްރަކްޗާރގެ ހާލަތު ބެލުމަށްޓަކައި ކޮންސްޓްރަކްޝަން މިނިސްޓްރީއާ ގުޅިގެން ސާރވޭއެއް ކުރުމަށް މަސައްކަތް ކުރަމުންދާ ކަމަށެވެ.
އެޑިއުކޭޝަން މިނިސްޓްރީން މިއަދު ބެލެނިވެރިން ގާތު ބުނީ، އިމާރާތުގެ އެސެސްމަންޓް ރިޕޯޓު ލިބޭނީ ކުރިއަށް އޮތް ބޮޑު އީދަށް ފަހު ކަމަށެވެ. އަދި ބުނީ ސްކޫލް މަރާމާތު ކުރުމާބެހޭ ކަންތައްތައް ނިންމާނީ އެސެސްމަންޓް ހަދައި އޭގެ ނަތީޖާއަށް ބެލުމަށްފަހު ކަމަށެވެ. ރެނދުލާފައިވަނީ އެސްކޫލުގެ ތިންވަނަ ފަންގިފިލާގެ ބައެއްގައެވެ.
އިއްޒުއްދީން ސްކޫލަކީ މާލޭގައި އެއްދަންފަޅި އަށް ކިޔަވައިދޭން ފެށި ފުރަތަމަ ސްކޫލެވެ. އެ ސްކޫލްގައި މި އަހަރު ގްރޭޑް 10 އަށް ކިިޔަައިދޭން ފަށާފައިވާއިރު ކުދިންގެ އަދަދު 600 އަށް ވުރެ މައްޗެވެ.
