އެ ކަން ހިއްސާކޮށް އެމްއެންޑީއެފުން ފޮނުވި މެސެޖެއްގައި ބުނީ، "ލޫމް 2" ނަމަކަށް ކިޔާ ދޯންޏެއް ކ. ހެލެގިލި ކައިރިން ދިޔަވެ އަޑިއަށްދާ ކަމުގެ ރިޕޯޓް ލިބުނީ މިރޭ 8:52 ހާއިރު ކަމަށް ކޯސްޓްގާޑުން ބުންޏެވެ. ދޯނީގެ ބޮޑުބައެއް މިހާރު އޮތީ އަޑީގަ އެވެ.
ހަތަރު މީހުންނާއެކު ދަތުކުރަމުން ދަނިކޮށް، މި ހާދިސާ ހިނގީ ކަނޑުއޮޅިން ނުކުންނަށް އުޅުމުގެ ތެރޭގައި ގަލެއްގައި ޖެހިގެންކަމަށް އެމްއެންޑީއެފުން ބުނެ އެވެ.
އެ ދޯނި ޅ. އަތޮޅަށް ދަތުކުރަމުން ދަނިކޮށް ދިޔަވާ ކަމުގެ މައުލޫމާތު ލިބުމާއެކު އެމްއެންޑީއެފް މާލެ އޭރިއާ ކޮމާންޑް ކޯސްގާޑް ސެކަންޑް ސްކޮޑްރަނުން އެހީތެރިކަން ފޯރުކޮށްދޭން ފަށައިފައިވާ ކަމަށް އެމްއެންޑީއެފުން ވަނީ ބުނެފަ އެވެ.
މި ދޯނީގައި ހަތަރު މީހުން ތިބިއިރު، އެމީހުންނަކީ ދިވެހިން ކަމެއް ނުވަތަ ބިދޭސީން ކަމެއް އެމްއެންޑީއެފުން ހާމަކޮށްފައެއް ނުވެ އެވެ. ނަމަވެސް ހަތަރު މީހުން ސަލާމަތުން ކޯސްގާޑް އުޅަދަށް ވަނީ ނަގާފައެވެ. މިއެންމެންގެ ހާލު ރަނގަޅު ކަމަށް އެމްއެންޑީއެފުން ބުންޏެވެ.
