ޑަޔަލިސިސްގެ ހިދުމަތް ރާއްޖޭގެ ހުރިހާ އަތޮޅެއްގައި ލިބޭނެ އިންތިޒާމުތައް ހަމަޖެއްސުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ.
ށ. ފުނަދޫ ހޮސްޕިޓަލުގައި ޑަޔަލިސިސްގެ ހިދުމަތް ފެށުމަށް ބޭއްވި ރަސްމިއްޔާތުގައި އެ ހިދުމަތް ފަށާ ދިނީ އެ ދާއިރާގެ ރައްޔިތުން މަޖިލީހުގެ މެމްބަރު މުހައްމަދު މަމްދޫހެވެ.
ފުނަދޫ ހޮސްޕިޓަލުގެ ޑައިލިސިސްގެ ހިދްމަތް ފެށުމަށްޓަކައި އެހީތެރިވުމުގެ ގޮތުން ގަމު ރީޖަނަލް ހޮސްޕިޓަލްގެ ނަރުހަކު ހޮސްޕިޓަލުގެ ޓީމާ ވަނީ ގުޅިފައެވެ.
ށ. ފުނަދޫ ހޮސްޕިޓަލުގައި ޑަޔަލިސިސްގެ ހިދުމަތް ފެށުމުން މިހާރު މި ހިދުމަތް ރާއްޖޭގެ 12 އަތޮޅަކުން ލިބެން ހުންނާނެކަމަށް ހެލްތް މިނިސްޓްރީން ބުނެއެވެ. މި ހިދުމަތް މިހާރު ނުލިބޭ އަތޮޅުތަތަކީ އއ، އދ، ވ، މ، ފ، ދ، ތ އަދި ގދ އަތޮޅެވެ.
އެ އަތޮޅުތަކުގައި އަންނަ އޮކްޓޫބަރު މަސް ނިމުމުގެ ކުރިން ހިދުމަތް ފެށުމަށް މަސައްކަތް ކުރަމުން އަންނަކަމަށް ހެެލްތް މިނިސްޓްރީން ބުނެއެވެ.
