ސިނަމާލޭ ބްރިޖުން ދަށުން މަރުވެ އޮޔާދަނިކޮށް ފެނުނީ ނޭޕާލްގެ އަންހެނެއްކަމަށް ފުލުހުން ކުރިން ވަނީ ބުނެފައެވެ. އަދި އެމީހާ ނަގައިގެން ހޮސްޕިޓަލަށް ގެންދިޔައިރުވެސް މަރުވެފައިވާކަމަށް ޑޮކްޓަރުންނާއި ހަވާލާދީ ފުލުހުން ކުރިން ވަނީ ބުނެފައެވެ.
މިއަދު ބޭއްވި ނޫސްވެރިންގެ ބައްދަލުވުމުގައި މި މަރާ ގުޅޭ މައުލޫމާތު ދެމުން ފުލުހުންގެ ސީރިއަސް އެންޑް އޮގަނައިޒްޑް ކްރައިމް ޑިޕާޓްމެންޓްގެ ޗީފް އިންފެކްޓާ މުހައްމަދު ސާމިހް ވިދާޅުވީ މަރުވެފައި އޮއްވާ ފެނުނީ ރާއްޖޭގައި އުޅެމުން ދިޔަ 25 އަހަރުގެ މީހެއްކަމަށެވެ. އޭނާގެ ހަށިގަނޑުގެ ބޭރު ފުށުން އެއްވެސް އަނިޔާއެއް ލިބިފައި ނުވާކަން ޑޮކްޓަރުން ޔަގީންކޮށްދީފައިވާކަމަށެވެ.
ފުލުހުން ބުނީ ސީސީޓީވީތަކުން ފެންނަ ގޮތުން އޭނާ އެކަނި ގޮސް ބްރިޖަށް އަރާތަން ފެނިފައިވާކަމަށެވެ. އަދި އޭނާ އެންމެ ފަހުން ފެނިފައިވަނީ 11.27 ހާއިރު ބްރިޖުމަތިންކަމަށްވެސް ފުލުހުން ބުނެއެވެ.
މި އަންހެން މީހާ މަރުވުމުގައި އިތުރު މީހެއްގެ ބައިވެރިވުން އޮތްކަން ތަހުގީގަށް ފާހަގަކުރެވިފައި ނުވާކަމަށްް ފުލުހުން ބުނެއެވެ.