އެމިނިސްޓްރީން މިހެން ބުނީ މިއަދު ފާހަގަކުރާ ބައިނަލް އަޤުވާމީ ލޭ ހަދިޔާ ކުރާ މީހުންގެ ދުވަހާއި ގުޅިގެން ނެރުނު ބަޔާނެއްގައެވެ.
ރާއްޖެއަކީ ނިސްބަތުން ތެލަސީމިއާ ޕޭޝަންޓުން ގިނަ ގައުމަކަށްވާއިރު، ދިވެހިރާއްޖޭގައި ލޭ ބޭނުންވާ މިންވަރުވެސް އެހެން ގައުމުތަކާއި އަޅާބަލާއިރު އިތުރުކަމަށް ހެލްތް މިނިސްޓްރީން ބުނެއެވެ.
ދުނިޔޭގެ ސިއްޙަތު ޖަމުއިއްޔާ އިން އަންދާޒާ ކުރާގޮތުން، އާންމު ގޮތެއްގައި އެ ގައުމެއްގެ އާބާދީގެ 1 އިންސައްތަ މީހުން ގަވައިދުން ދަރުމައަށް އެދި ލޭ ހަދިޔާ ކުރާ ނަމަ، އެ ގައުމަކަށް ބޭނުންވާ މިންވަރަށް ލޭ ލިބޭނެކަމަށާއި ނަމަވެސް ދުނިޔޭގެ ސިއްޙަތު ޖަމުއިއްޔާ އިން ރާއްޖެއަށް މިނިސްބަތް ވަނީ 3 އިންސައްތައަށް މަތިކޮށްފައިކަމަށް ހެލްތް މިނިސްޓްރީނ ބުނެއެވެ.
ލޭ ހަދިޔާކުރާ މީހުން މައިގަނޑު ގޮތެއްގައި ބަހާލެވެނީ 3 ބަޔަކަށްހި
- ލޭސާބަހަށް އަމިއްލައަށް އެދިގެން ލޭ ހަދިޔާ ކުރާ ޑޯނަރުން
- ވަކިމީހަކަށް ދިނުމުގެ ގޮތުން ލޭ ހަދިޔާ ކުރާ ޑޯނަރުން
- އެކި މުއައްސަސާތަކުން ހިންގާ ލޭ ހަދިޔާކުރުމުގެ ކޭންޕްތަކުގައި ލޭ ހަދިޔާ ކުރާ ޑޯނަރުން
ހެލްތް މިނިސްޓްރީން ބުނީ 2022 ވަނަ އަހަރު 53 ބްލަޑް ކޭމްޕް ބާއްވާފައިވާއިރު މިދިޔަ އަހަރު 62 ބްލަޑް ކޭމްޕް ބޭއްވިކަމަށެވެ.
