ދިވެހިބަހުގެ އެކެޑަމީން ކޮންމެ އަހަރަކު ވެސް ކުރިއަށް ގެންދާ ލިޔުމުގެ ތަފާތު މުބާރާތްތަކުގައި ބައިވެރިވުމުގެ ފުރުސަތު މި އަހަރު ވެސް ވަނީ ހުޅުވާލައިފި އެވެ.
މި އަހަރު ބޭއްވުމަށް ނިންމާފައިވާ މުބާރާތްތަކަކީ، ޅެން ހެދުމުގެ 27ވަނަ ގައުމީ މުބާރާތާއި, ކުރު ވާހަކަ ލިޔުމުގެ 36 ވަނަ ގައުމީ މުބާރާތާއި, މަޒުމޫނު ލިޔުމުގެ 39 ވަނަ ގައުމީ މުބާރާތެވެ.
މި މުބާރާތްތަކުގައި ބައިވެރިވުމުގެ ފުރުސަތު ހުޅުވާލެވިފައިވަނީ ސްކޫލްތަކުގެ ދަރިވަރުންނަށާއި އަމިއްލަ ފަރާތްތަކަށެވެ.
ސްކޫލް ދަރިވަރުންނަށް ހުޅުވާލާފައިވާ ފުރުސަތުގައި ދަށު ސާނަވީގައި ހިމެނެނީ ކީ ސްޓޭޖް 7 އަދި 8ގެ ދަރިވަރުންނެވެ. ސާނަވީ އުމުރުފުރާގެ ގިންތިން ބައިވެރިވުމުގެ ފުރުސަތު ހުޅުވާލެވިފައިވަނީ ކީ ސްޓޭޖް 9 އަދި 10ގެ ދަރިވަރުންނަށެވެ. އަދި މަތީ ސަނަވީ ގިންތިއަކީ ކީ ސްޓޭޖް 11 އަދި 12ގައި ކިޔަވަމުންދާ ދަރިވަރުންގެ އުމުރުފުރާ އެވެ. އަމިއްލަގޮތުން ބައިވެރިވާން އެދޭ ބައިވެރީން ގިންތި ކުރެވޭނީ 18 އަހަރުން ދަށް އަދި 18 އަހަރުން މަތީގެ އުމުރުފުރާގެ ގޮތުގަ އެވެ.
މުބާރާތުގައި ބައިވެރިވުމަށް ހުށަހަޅާ ފޯމްގެ ތަފްސީލުތައް ގެޒެޓްގައްޔާއި ދިވެހިބަހުގެ އެކެޑަމީގެ ވެބްސައިޓުގައި ވަނީ ޝާއިރު ކޮށްފަ އެވެ.
އަންނަ އޮގަސްޓު މަހުގެ ދެވަނަ ދުވަހާއި ތިންވަނަ ދުވަހު ބާއްވާ މި ތިން މުބާރާތާކުގައި ބައިވެރިވުމަށް ފޯމު ހުށަހެޅުމުގެ ސުންގަޑިއަކީ ޖުލައި 09 ވާ އަންގާރަ ދުވަހުގެ 13:00 އެވެ.
