މާފުއްޓަކީ މި ޕްރޮގްރާމްގެދަށުން މައުލޫމާތު އެއްކުރާ ދެވަނަ ރަށެކެވެ. މި ޕްރޮގްރާމްގެ އަމާޒަކީ ރާއްޖޭގައި ދިރިއުޅޭ ހުރިހާ ބިދޭސީންގެ މަޢުލޫމާތު 1 އަހަރު ދުވަހުގެތެރޭގައި އެއްކުރުމެވެ.
"އޮޕަރޭޝަން ކުރަނގި" ފުރަތަމަ ފެށީ މެއި ދޭއްގައެވެ. ފުރަތަމަ މި މަސައްކަތް ފެށީ ކ. ހިންމަފުށީގައެވެ. އެރަށުގައި މެއި 19އާ ހަމައަށް 705 ބިދޭސީންގެ މައުލޫމާތު ނަގާފައި ވެއެވެ.
މި އޮޕަރޭޝަން މާފުށީގައި ފެށީ މިދިޔަ ބުރާސްފަތި ދުވަހުއެވެ. އެރަށުން އެއްކުރެވުނު ބިދޭސީންގެ މައުލޫމާތު ހިއްސާކޮށް، ހޯމް މިނިސްޓްރީން ކުރި ޕޯސްޓެއްގައި ވަނީ، މިހާތަނަށް 805 ބިދޭސީންގެ ބަޔޮމެޓްރިކް ޑާޓާ އެއްކޮށްފައިވާ ކަމަށެވެ.
ހޯމް މިނިސްޓަރު އަލީ އިހުސާން ވިދާޅުވެފައިވާ ގޮތުގައި ގަވާއިދާ ހިލާފަށް ރާއްޖޭގައި އުޅޭ ބިދޭސީން ދެނެގަނެ، އެ މީހުން ގަވާއިދަށް ފެއްތުމުގެ މަސައްކަތް ތިން އަހަރުގެ ތެރޭގައި އެއްކޮށް ނިންމައިލެވޭނެ ކަމަށެވެ. އެގޮތުން ޑޭޓާ ނަގަން ކުރިއަށް ގެއންދާ މަސައްކަތް އަހަރުގެ ތެރޭގައި ނިންމަން އޮތީ އަމާޒު ހިފައިފަ އެވެ.
ރާއްޖޭގައި ބޮޑު މައްސަލައެއްގެ ގޮތުގައި އޮތް ގަވައިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށް ކުރީގެ ސަރުކާރުތަކުން މަސައްކަތްތަކެއް ކުރި ނަމަވެސް އެކަން ކާމިޔާބުވާ ގޮތެއް ނުވެއެވެ.
