ފުލުހުން ބުނި ގޮތުގައި ދަރުބާރުގެ ކައިރީގައި މާރާމާރީއެއް ހިންގައިގެން އުޅޭ ކަމަށް ރިޕޯޓްކޮށްފައިވަނީ ރޭ 10:30 ހާއިރު އެވެ.
މީހަކަށް ތޫނު އެއްޗަކުން ހަމަލާ ދިން ކަމަކަށް ފުލުހުން ނުބުނި ނަމަވެސް މަންޒަރު ދުށް ބައެއް މީހުން ބުނާ ގޮތުގައި ދަރުބާރުގެ ކައިރީގައި ވަނީ ތޫނު އެއްޗަކުންވެސް މީހަކަށް ހަމަލާ ދީފަ އެވެ.
ފުލުހުން ރޭ ވަނީ އެ މައްސަލައިގައި ތުހުމަތުކުރެވޭ ދެ މީހަކު ހައްޔަރުކޮށްފަ އެވެ.
ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ، އެ މައްސަލައާ ގުޅިގެން އިތުރު ދެ މީހުން ހައްޔަރުކޮށްފައިވާ ކަމަށެވެ. އެހެންވެ، ރޭ ހިނގި މާރާމާރީގެ މައްސަލައިގައި ހައްޔަރުކުރި މީހުންގެ އަދަދު ވަނީ ހަތަރަކަށް އަރައިފަ އެވެ.
މާރާމާރީގައި ސަބަބުން އަނިޔާވި މީހާ އަށް ސެނެހިޔާ ހޮސްޕިޓަލުގައި ފަރުވާ ދީފައިވާ އިރު، އޭނަގެ ހާލު ސީރިއަސް ނޫން ކަމަށް ފުލުހުން ބުންޏެވެ.
