Advertisement

މިރޭ ރާއްޖޭ ގަޑިން 12 ޖަހާއިރު ކުޅޭ މެޗުގައި ޕޯޗުގަލް ނުކުންނާނީ، ޗެކްރިޕަބްލިކާ ދެކޮޅަށެވެ.  

މި ގްރޫޕުގައި ދެން ހިމެނެނީ ޖޯޖިއާ އަދި ތުރުކީއެވެ. މިރޭގެ މެޗަށް ޕޯޗުގަލް ތައްޔާރުވެފައިވާއިރު، ކްރިސްޓިއާނޯ ރޮނާލްޑޯ މިރޭ ސޯޝަލް މީޑިއާގައި ބުނެފައިވަނީ އެ ޓީމު ނުހިފޭއްޓޭނެ ކަމަށެވެ.

ޔޫރޯ ކޮލިފިކޭޝަނުގައި ޕޯޗުގަލްއަކީ އެންމެ ކާމިޔާބު ޓީމެވެ. އެ މީހުންވަނީ މެޗަކުން ބަލިނުވެ، ކޮލިފިކޭޝަން ނިންމާލައިފަ އެވެ. ކޮލިފިކޭޝަނުގައި އެ ޓީމުން ވަނީ 36 ގޯލު ޖަހައިފަ އެވެ. މިއީ، މި ފަހަރުގެ ކޮލިފިކޭޝަނުގައި ޓީމަކުން ކާމިޔާބުކުރި އެންމެ ގިނަ ގޯލުވެސް މެ އެވެ.

ޕޯޗުގަލް އިން މިފަހަރުގެ މުބާރާތައް ނުކުންނައިރު, އަދިވެސް އެ ޓީމުގެ ތަރިއަކީ ކްރިސްޓިއާނޯ ރޮނާލްޑޯ, 39 އެވެ. ރޮނާލްޑޯ ވަނީ ކޮލިފިކޭޝަނުގައި އެކަނިވެސް 10 ގޯލު ޖަހައިފަ އެވެ.