އިހްސާން މިއަދު ކުރެއްވި ޓުވީޓެއްގައި ވިދާޅުވީ އެ ހުއްދަ ނަގަން އާ އިތުރު ފީއެއް ދައްކަން ނުޖެހޭނެ ކަމަށެވެ.
އެއީ މިހާރު ވެސް އޮތް ނިޒާމުގެ ތެރެއިން ރަޖިސްޓްރީވުމަށް ފަހު ރަށުން ނުވަތަ ސިޓީ ކައުންސިލުން އޮންލައިންކޮށް ނަގަންޖެހޭ ހުއްދައެއް ކަމަށް އިހުސާން ވިދާޅުވި އެވެ.
ރަށްރަށުގައި މަސައްކަތް ކުރަން ގެންދާ ބިދޭސީންގެ ދަފްތަރެއް ކައުންސިލްގައި އޮންނަންޖެހޭ ގޮތަށް އުސޫލުތައް ހެދިފައިވީ ނަމަވެސް މިއީ ކައުންސިލްތަކުން މާބޮޑު އިސްކަމެއް ދީގެން ތަންފީޒު ކުރާ ކަމެއް ނޫނެވެ.
މިނިސްޓަރު ވިދާޅުވީ މިހާރު ގާއިމްކުރެވިފައިވާ ނިޒާމަށް ބަދަލުތަކެއް ގެނައުމުން ބިދޭސީ މަސައްކަތްތެރިން ޖެހޭނީ އެ ރަށަކަށް އަލުން ރަޖިސްޓްރީވާން ކަމަށާއި އެކަަމަށް އެދުމުން ކައުންސިލްތަކުން އެކަން އެޕްރޫވްކޮޑް ޕާމިޓް ދޫކުރާނެ ކަމަށެވެ. އަދި މިއީ މިއީ "އައިޓީ ބޭސްޑް ސޮލިއުޝަނަކަށް" ވާނެ ކަމަށް ވިދާޅުވި އެވެ.
ގަވާއިދާ ހިލާފަށް ރާއްޖޭގައި އުޅޭ ބިދޭސީންގެ މައްސަލަ ތިން އަހަރުގެ ތެރޭގައި ހައްލު ކުރުމަކީ ސަރުކާރުގެ ވަރަށް ބޮޑު އަމާޒެކެވެ. އެގޮތުން މިހާރު އަންނަނީ ބިދޭސީންގެ މައުލޫމާތު އެއްކުރަން "ކުރަނގި" ގެ ނަމުގައި އޮޕަރޭޝަނެއް ހިންގަމުންނެވެ.
