ދެ މެޗުން ހަ ޕޮއިންޓް ޖަރުމަން ހޯދިއިރު، ދެވަނަ ބުރުން ފުރުސަތު ލިބޭނީ ކޮންމެ ގްރޫޕަކުންވެސް އެންމެ މޮޅު ދެ ޓީމާ، ހުރިހާ ގްރޫޕަކުން ތިންވަނައަށްދާ ޓީމުތަކުގެ ތެރެއިން އެންމެ ރަނގަޅު ނަތީޖާ ހޯދާ ހަތަރު ޓީމަށެވެ.
ހަ ޕޮއިންޓާއެކު ޖަރުމަނު އޮތުމުން، ޖަރުމަނަށް ދެވަނަ ބުރުގެ ފުރުސަތު ގެއްލުމަކީ ނާދިރުކަމެކެވެ. އަނެއްކޮޅުން، މި ގްރޫޕުގައި މިރޭ ސްވިޒަލެންޑާ ސްކޮޓްލަންޑް ކުޅޭ މެޗުން ސްކޮޓްލަންޑް ބަލިވެއްޖެނަމަ، ގްރޫޕުގެ ފަހު މެޗަށް ދިޔުމުގެ ކުރިން ޖަރުމަނާ، ސްވިޓްޒަލަންޑަށް އެއްވަނަ އަދި ދެވަނަ ޓީމުގެ ގޮތުގައި އަނެއް ބުރުން ފުރުސަތު ކަށަވަރުވާނެއެވެ.
އަމިއްލަ ގައުމުގައި ކުޅޭ ޖަރުމަނުން މިރޭ، ހަންގޭރީގެ މައްޗަށް ކުރި ހޯދީ، ދެ ލަނޑު ސުން ލަނޑުންނެވެ. ޖަރުމަނުގެ ލަނޑުތައް ޖެހީ، ޖަމާލް މުސިއާލާ
އަދި ގުންޑޮގާންއެވެ.
ޖަރުމަނުން ގްރޫޕް އޭގައި ކުޅުނު ފުރަތަމަ މެޗުން ވަނީ 5-1 އިން ސްކޮޓްލެންޑް ބަލިކޮށްފަ އެވެ.
