ގްރޫޕް އޭގައި، ހަންގޭރީއާ ސްކޮޓްލަންޑް ކުޅުނު މެޗުގައި އިތުރު ވަގުތުގައި ކެވިން ސޮބޯތު ޖެހި ގޯލުން ހަންގޭރީ މޮޅުވި ނަމަވެސް ގްރޫޕުގެ އެކެއް ދޭއްގައި ލައްވާނުލާނެއެވެ. އެކަމަކު ބެސްޓް ތިންވަނަ ޓީމުތަކުގެ ތެރޭގައި ލައްވާލުމުގެ އުއްމީދު ހަންގޭރީއަށް އެބައޮތެވެ.
ގްރޫޕު އޭ ގައި ހަންގޭރީއަށް ލިބުނީ ތިންވަނަ އެވެ. އެ ޓީމަށް އެންމެ ރަނގަޅު ނަތީޖާ ނެރޭ ތިން ވަނަ ޓީމުގެ ފުރުސަތެއް ލިބިދާނެ އެވެ. އެކަމަކު، އެކަން ޔަގީންވާނީ ހުރިހާ މެޗެއް ނިމޭއިރުއެވެ. ހުރިހާ ގްރޫޕެއްގެ ތިން ވަނަ އަށް ދާ ޓީމުތަކުގެ ތެރެއިން ހަތަރު ޓީމަކަށް ގަދަ 16 އިން ޖާގަ ލިބޭނެ އެވެ.
ގްރޫޕް އޭގެ ވަނަ ހޯދީ ޖަރުމަނެވެ. ދެވަނަ ސްވިޒަލޭންޑެވެ. ހަންގޭރީ ތިނެއް އަދި ސްކޮޓްލަންޑް ފުލަށެވެ.
އިތުރު ވަގުތުގެ ގޮތުގައި ދެއްކި 10 މިނިޓްގެ ތެރެއިންވެސް ފަހު މިނިޓުގައި ހަންގޭރީއަށް އުއްމީދު ގެނެސްދިނީ ބަދަލަކަށް ކުޅެން ނުކުތް، ސޮބޯތު އެވެ.
