އެން.ސީ.އޭ އިން މި ފުރުސަތު އަލުން ހުޅުވާލައިފައި މިވަނީ އެ އިދާރާއިން 8 ފެބްރުއަރީ 2024 ގައި ކުރި އިއުލާނަށް ސީވީ ހުށަހަޅުއްވާފައިވަނީ އެންމެ ފަރާތަކުން ކަމުގައި ވާތީ ކަމަށެވެ.
އެން.ސީ.އޭ އިން ބުނީ، މި މުބާރާތުގެ މަގުސަދަކީ މުނިފޫހިފިލުވުމުގެ ދާއިރާއަށް ފަންނާނުން އިތުރުކޮށް، ފަންނުވެރީންނަށް ހިތްވަރުދީ، އަގުވަޒަންކޮށް، އެކުވެރި ވާދަވެރި މަހައުލެއްގައި ފަންނުވެރިކަން ތަރައްގީކޮށް ދެމެހެއްޓުމުގެ މަގްސަދުގައި އެ އިދާރާއިން ބާއްވަމުން އަންނަ މުބާރާތެއް ކަމަށެވެ.
އެ އިދާރާއިން ފަނޑިޔާރުން ހޮވުމުގައި ބަލާނީ ތައުލީމީ ފެންވަރަށާއި ތަޖުރިބާއަށް ކަމަށާއި، އަދި މި މުބާރާތަށް ހުށަހަޅާ ޑްރާމާއެއްގެ އެއްވެސް މަސައްކަތެއްގައި އުޅެފައިވާ ފަރާތަކަށް ވެގެން ނުވާނެ ކަމަށްވެސް އެން.ސީ.އޭއިން ވަނީބުނެފަ އެވެ.
ފަނޑިޔާރުކަން ކޮށްދިނުމަށް ހަމަޖެހިފައިވާ ކެޓަގެރީތައް:
- ޑްރާމާ
- ޑައިރެކްޓިންގ
- އެކްޓިންގ
- ސްކްރީންޕްލޭ
- ސިނަމެޓޮގްރަފީ
- އެޑިޓިންގ
މި ކަމަށް ޝައުގުވެރިކަން ހުރި ފަރާތްތަކުން ސީވީ އާއި ލިބިފައިވާ ތައުލީމީ ސެޓްފިކެޓްތަކުގެ ކޮޕީ އަދި އައި.ޑީ ކާޑުގެ ކޮޕީއެއް ހުށަހެޅުމަށް އެ އިދާރާއިން ވަނީ ބުނެފަ އެވެ.
މި ކަމަށްއެދި ފޯމްހުށަހެޅުމުގެ ސުންގަޑިއަކީ 03 ޖުލައި 2024 ވާ ބުދަ ދުވަހުގެ 13:30 ގެ ކުރިންނެވެ.
