މިއަދު ބޭއްވި 20 ވަނަ މަޖިލީހުގެ 5 ވަަނަ ޖަލްސާގައި ހެންވޭރު ދެކުނު ދާއިރާގެ މެމްބަރު ހުސެއިން އިމްރާން ލަތީފް ހުށަހެޅުއްވި ސިއްހަތާ ބެހޭ ބިލާ ގުޅޭގޮތުން ވާހަކަދައްކަވަމުން އިބްރާހީމް މުހައްމަދު ވިދާޅުވީ ފާއިތުވި ދިޔަ ވެރިކަމުގައި ފެނިގެން ދިޔައީ އެ ބިލު ނެތުމުގެ ސަބަބުން އެއިރުގެ ޑިރެކްޓާ ޖެނެރަލްއަކަށް ހުންނެވި ބޭފުޅަކު ބޮޑު ފަސާދާގެ ސަބަބަކަށް ވެގެން ދިޔަ މަންޒަރުކަމަށެވެ. އަދި ނަތީޖާއެއްގެ ގޮތުން ވެންޓިލޭޓަރުން ވައްކަން ކުރުމާއި އަދި އެނޫނަސް ސިއްހީ ދާއިރާއިން ހޯލްސޭލްކޮށް ވައްކަން ކުރަމުން ދިޔަަކަމަށް މުހައްމަދު އިބްރާހީމް ފާހަގަކުރެއްވި އެވެ.
ކޮވިޑުގެ މަރުތައް އެކަށީގެންވާގޮތަކަށް ތަހުގީގު ނުކުރެވިފަ އޮތުމުގެ ސަބަބުން ވަަރަށް ގިނަ އާއިލާތައް އަދިވެސް ތިބީ އެކަމުގެ ހިތާމާގައި ކަަމަށާއި ބިލަށް ބާރުދިނުމުގެ ގޮތުންވެސް އެކަން ތަހުގީގުކޮށް އެއާއިލާތަކަށް ހައްގު ހޯދާދޭން ޖެހޭނެކަމަށް މުހައްމަދު އިބްރާހީމް ވިދާޅުވި އެވެ.
އެގޮތުން އެއްކަމަކީ ޕްރިވެންޓިވް ހެލްތް ކެއާ، ނުވަތަ ރައްކާވެތިބިއްޔާ ދަތުރުގެ އުސޫލުން އެ މަސައްކަތް ކުރުން ކަަމަށް މެންބަރު ފާހަގަކުރެއްވި އެވެ. އެއާއެކީގައި ފާއިތުވިތަނުގައި މީހުންގެ ފުރާނައަށް ގެއްލުންވާކަހަަލަ އަމަލުތައް ކޮށްފަ ތިބި މީހުން ތަހުގީގުކޮށް އެއީ އަދަބުދެވެންޖެހޭ ކަމެއްކަމުގައި ވާނަމަ އަދަބުދީ ޒިންމާދާރުކުރަން ޖެހޭނެކަމަށް އިބްރާހީމް ވިދާލުވި އެވެ. އަދި އެއީ އަދަބު ނުދޭން ޖެހޭ ކަމެއްކަމުގައި ވާނަމަ އެކަންކަމުން ބަރީއަކޮށް އެމީހުންގެ މައްޗަށް އޮތް ތުހުމަތުތައް ފިލުވުމަކީވެސް މުހިއްމު ކަމެއްކަަމުގައި މެމްބަރު އިބްރާހީމް ވިދާޅުވި އެވެ.
މުޅި ރާއްޖޭން ކޮވިޑްގައި މަރުވި މީހުންގެ އަދަދު 300 އާއި ގާތްކުރެ އެވެ.
