އެން.އައި.އީ ސެމިނަރ ރޫމުގައި ކުރިއަށްދާ މި ތަމްރީނު ޕްރޮގްރާމް ރަސްމީ ކޮށް ފައްޓަވައިދެއްވީ، މިނިސްޓަރ އޮފް ސްޓޭޓް ފޯ އެޑިޔުކޭޝަން ޑޮކްޓަރ އަހުމަދު މުހައްމަދު އެވެ.
2 ބުރަކަށް ބަހާލައިގެން ކުރިއަށް ގެންދިއުމަށް ރޭވިފައިވާ މި ތަމްރީނުގެ ފުރަތަމަ ބުރު ކުރިއަށް ދާނީ މިހިނގާ ޖޫން 23 އިން 27 އާއި ހަމައަށް ކަމަށާއި، މި ބުރުގައި 55 ބޭފުޅުން ތަމްރީނު ފުރިހަމަ ކުރައްވާނެ ކަމަށެވެ.
އެގޮތުން، މި ޕްރޮގްރާމަކީ، މުދައްރިސުން ތާޒާ ކުރުމަށް 5 އަހަރު ދުވަހުގެ މުއްދަތަށް މުޅި ރާއްޖެއަށް އަމާޒުކޮށްގެން ހިންގާ ހާއްސަ ޕްރޮގްރާމެއް ކަމަށެވެ.
އެން.އައި.އީ އިން ބުނީ، މި ޕްރޮގްރާމް ގައި ރާއްޖޭގެ 206 އަށްވުރެ ގިނަ ސްކޫލަށް ޖޮންރާގެ ތަފާތު އިނގިރޭސި ފޮތްތައް ފޯރުކޮށްދެވޭނެ ކަމަށާއި، މި ފޮތްތައް ސްކޫލްތަކަށް ފޯރުކޮށްދިނުމަށް ހަމަޖެހިފައިވަނީ، 2 ބުރަކަށް ބަހާލައިގެން ކަމަށެވެ.
އެން.އައި.އީ އިން ބުނީ، މި ޕްރޮގްރާމުގެ މައިގަނޑު މަގުސަދަކީ، ސާނަވީ މަރުހަލާގެ އިނގިރޭސި މާއްދާގެ މަންހަޖަށް ގެނެވުނު ބަދަލުތަކަށް މުދައްރިސުން އަހުލުވެރިކުރުމާ، ޒަމާނީ ކިޔަވައިދިނުމުގައި މިހާރު ބޭނުންކުރެވޭ އުކުޅުތައް މުދައްރިސުންނަށް ފޯރުކޮށްދިނުމަށް މުޅިރާއްޖޭގައި ހަރަކާތްތެރިވާނެ ޓީ.އޯ.ޓީން ތަމްރީނު ކުރުމަށް ކަމަށެވެ.
