މިއަދު އެ ޕާޓީން ނެރުން ނޫސް ބަޔާނުގައި ބުނީ ޕީއެންސީގެ ޕާލަމެންޓަރީ ގްރޫޕް ލީޑަރު އަދި އިނގުރައިދޫ ދާއިރާގެ މެމްބަރު އިބްރާހީމް ފަލާހުގެ އަބަރުފުޅަށް އަރައިގަނެ ހަގީގަތާ ހިލާފު ދޮގު ވާހަކަތަކެއް ސޯޝަލް މީޑިއާގއި ފަތުރަމުން ގެންދާތީ އެކަން އެންމެ ހަރުކަށި އިބާރާތުން ކުށްވެރި ކުރާކަަމަށެވެ.
އެގޮތުން ދައުރުވަމުންދާ ފޮޓޮއާއިއެކު ހަގީގަތާ ހިލާފު ދޮގު ހަބަރު ރޭގެ ވަގުތެއްގައި އެންމެ ފުރަތަމަ ފަތުރާފައިވަނީ ހަގީގަތާ ހިލާފު ދޮގު ވާހަކަތައް ފަތުރާ، ފިތުނަ އުފެއްދުމުގައި ހައްދުފަހަނައަޅާފައިވާ ހަސަން ކުރުސީ ނަމުގައި ހަދާފައިވާ ފޭކު އެކްސް އެކައުންޓަކުންކަމަށް ޕީއެންސީން ފާހަގަކުރެއެވެ. ހަސަން ކުރުސީގެ އިތުރުން އެހެން ފަރާތަކުން މި ހަގީގަތާ ހިލާފު ދޮގު ވާހަކަތައް ފަތުރަމުންދާކަަމަށް ޕީއެސްސީގެ ނޫސްބަޔާނުގައި ވެއެވެ.
ޕީއެންސީން ވަނީ އެފަދަ ހަގީގަތާ ހިލާފު ދޮގު ވާހަކަ ދައްކާ ފަތުރާ ފިތުނަ ފިތުނަ އުފައްދަން މަސައްކަތްކުރާ ފަރާތްތަކުގެ މައްސަލަ ބަލާ ފިޔަވަޅު އެޅުމަށް ފުލުހުންގެ ހިދުމަތަށް އެ ބަޔާނުގައި ގޮވާލާފަ އެވެ.
