އެމެރިކާގެ ލޮސް އެންޖަލިސްގައި ބްރެޒިލް، ރާއްޖޭ ގަޑިން ފަތިހު ހައެއް ޖަހާއިރު ނުކުންނާނީ ކޮސްޓާރިކާއާ ދެކޮޅަށެވެ. ބްރެޒިލްގެ ޓީމު މިރޭ ލީޑް ކުރާނީ، ރިއާލް މެޑްރިޑަށް ކުޅޭ، ވިނިޝިއަސް ޖޫނިއާއެވެ.
މިއީ ގަތަރުގައި 2022 ވަނަ އަހަރު އޮތް ވޯލްޑްކަޕް ފުޓްބޯޅަ މުބާރާތުގައި ބްރެޒިލަށް ލިބުނު ހިތްދަތި ނާކާމިޔާބީގެ ހަނދާން ނައްތާލަން ލިބޭ ފުރުސަތެކެވެ. ވޯލްޑްކަޕްގައި ބްރެޒިލް ކެޓީ ކުއާޓާ ފައިނަލްގައި ޕެނަލްޓީ ޖަހައިގެން ކްރޮއޭޝިއާ އަތުންނެވެ.
މި ފަހަރުގެ ކޮޕާ އެމެރިކާގެ ފުރަތަމަ މެޗަށް ބްރެޒިލް މިރޭ ނުކުންނައިރު، ބްރެޒިލް މި މުބާރާތުގައި ހިމެނެނީ ގްރޫޕް ޑީގައެވެ. އެ ގްރޫޕުގައި ދެން ހިމެނެނީ، ކޮލަމްބިއާ، ޕެރެގުއޭ އަދި ކޮސްޓާރިކާއެވެ. ބްރެޒިލްއާ ވާދަވެރި އާޖެންޓީނާ އޮތީ ގްރޫޕް އޭގައެވެ. އާޖެންޓީނާއިންވަނީ އެ ޓީމުން ކުޅުނު ފުރަތަމަ މެޗު ކާމިޔާބުކޮށްފައެވެ.
