އިޓަލީއާ ކްރޮއޭޝިއާ ހިމެނޭ ގްރޫޕް ބީ ގައި ދެން ހިމެނެނީ ސްޕެއިން އަދި އަލްބޭނިއާއެވެ. މި ގްރޫޕުން ސްޕެއިން، އަނެއް ބުރު ކަށަވަރުކޮށްފައިވާއިރު، އިޓަލީއާ ކްރޮއޭޝިއާއަށްވެސް އަނެއް ގްރޫޕުގެ ފުރުސަތު އޮތުމަކީ މިރޭގެ ބޮޑު މެޗަށް މި މެޗު ވާ މައިގަނޑު ސަބަބެވެ. ފުރަތަމަ މެޗުން އިޓަލީ މޮޅުވެފައިވާއިރު، ދެވަނަ މެޗުން އިޓަލީ ވަނީ ބަލިވެފައެވެ.
ފުރަތަމަ މެޗުން ކްރޮއޭޝިއާ ބަލިވިއިރު، ދެވަނަ މެޗުންވީ އެއްވަރެވެ. އެހެންކަމުން މިރޭގެ ނަތީޖާ ނުކުންނަ ގޮތަކުން، އިޓަލީ ނުވަތަ ކްރޮއޭޝިއާއަށް އެކެއް ދޭއް ގެއްލުމުގެ ފުރުސަތު އެބައޮތެވެ. ތިންވަނަ ޓީމުގެ ގޮތުގައި ދިޔުމަކީ ޔަގީނުންވެސް އިޓަލީ ނުވަތަ ކްރޮއޭޝިއާ ބޭނުންވާނެ ގޮތެއް ނޫނެވެ.
ހަތަރު ފަހަރު ވޯލްޑްކަޕް ހޯދާފައިވާ އިޓަލީ މިރޭ ނުކުންނާނީ އެންމެ ފަހުން އޮތް ދެ ވޯލްޑްކަޕްގެ ގަދަ ތިން ޓީމުގެ ތެރޭގައި ހިމެނިފައިވާ ކްރޮއޭޝިއާއާ ދެކޮޅަށެވެ. މެޗު ފަށާނީ ރާއްޖޭ ގަޑިން 12 ޖަހާއިރުއެވެ.
