މި އަންނަ މަހު ހަވަނަ ދުވަހު ބޭއްވުމަށް ތާވަލުކޮށްފައިވާ މެރިން ފޯރަމަކީ ރާއްޖޭގެ ކަނޑުގެ ސިނާއަތާ ގުޅުންހުރި ފަރާތްތަކުން މުހިންމު މަޝްވަރާތަކެއް ކުރުމަށް އަހަރަކު އެއް ފަހަރު ބާއްވާ ބައްދަލުމެކެވެ.
މިއިވެންޓްގައި ސަރުކާރުގެ ކަމާބެހޭ އިސްވެރިންގެ އިތުރުން މިދާއިރާގެ އިސް ސަފުގައި މަސައްކަތްކުރާ އަމިއްލަ ފަރާތްތައް ބައިވެރިވެ، ޚިޔާލު ބަދަލުކޮށް، ސިނާއަތުގައި ކުރިމަތިވާ މުހިންމު އަދި އަސާސީ ގޮންޖެހުންތައް ދެނެގަނެ، ހައްލު ހުށަހަޅައި މިފަދަ މައްސަލަތަކާ މެދު ހޭލުންތެރިކަން އިތުރުކުރުމަށް ވަނީ ނިންމާފަ އެވެ.
މޯލްޑިވްސް މެރިން އިންޑަސްޓްރީ ފޯރަމްގެ ޕެނަލް ޑިސްކަޝަންގައި މި ސިނާއަތުގައި އެލައިޑުން އަދާކުރާ ދައުރާ ބެހޭގޮތުން މައުލޫމާތު ހިއްސާކުރާނެ -- ފޮޓޯ/އެލައިޑް އިންޝުއަރެންސް
މީގެ އިތުރުން ރާއްޖޭގެ ލީޑިން އިންޝުއަރާގެ ހައިސިއްޔަތުން ދާއިރާއަށް ދޭ އަހައްމިއަޔަތުގެ ތެރެއިން މިއަހަރުގެ މެރިން އިންޑަސްޓްރީ ފޯރަމްގެ ޕެނަލް ޑިސްކަޝަންގައިވެސް ބައިވެރިވުމަށް އެލައިޑުން ވަނީ ނިންމާފަ އެވެ. އެގޮތުން އެލައިޑްގެ ފަރާތުން ޕެނަލްގައި ބައިވެރިވުމަށް ހަމަޖެހިފައިވަނީ އަންޑަރައިޓިންގެ ޑެޕިއުޓީ މެނޭޖަރު ހުސެއިން ސަވާދު އެވެ.
ދާއިރާގައި މަސައްކަތް ކުރާ ފަރާތްތައް މިފޯރަމްގައި ބައިވެރިވާން އެދޭނަމަ އިވެންޓް ރަޖިސްޓްރޭޝަން ފުރިހަމަކޮށްލުމުން އެ ފުރުސަތު ފަހިވާނެ ކަމުގައި މީޑިއަމް އިން ބުނެ އެވެ.
