ފުލުހުން ބުނީ، ހުޅުމާލެ ފޭސް 2 ޕޮލިސް އިންވެސްޓިގޭޝަނުން ތަހުގީގު ކުރަމުންދާ މަކަރާއި ހީލަތުން މީހެއް އަތުން ޑޮލަރު ނަގާފައިވާ ދެ މައްސަލައިގެ ތަހުގީގަށް މީހަކު ހާޒިރުކުރުމަށް ބޭނުންވެފައިވާ ކަމަށެވެ.
ފުލުހުން ބުނީ، އޭނާ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުވުމަށް އަންގާ ކަަމަށެވެ.
ފުލުހުން ހޯދަމުންދަނީ ހދ. ކުޅުދުއްފުށި ޗާންދަނީގެ އުމުރުން 34 އަހަރުގެ މުހައްމަދު ފާރިހް އެވެ.
ފުލުހުން ބުނީ، އޭނާ ހޯދަމުން ދަނީ މައްސަލައިގެ ތަހުގީގަށް ސުވާލުކުރުމަށް ކަމަށެވެ.
ހުޅުމާލެ ފޭސް 2 ޕޮލިސް ސްޓޭޝަން ނުވަތަ އެންމެ ކައިރީގައިވާ ޕޮލިސް ސްޓޭޝަނަކަށް، 2024 ޖުލައި 4 ވަނަ ދުވަހުގެ 10:00 އަށް ހާޒިރު ވުމަށް މުހައްމަދު ފާރިހް އަށް ފުލުހުން ވަނީ އަންގާފަ އެވެ.
