![](https://cnm.mv/media/images/449333919_858241783002523_5331197624816070822_n.jpg)
މިއަދު ކުރިއަށްގެންދިޔަ މާލޭ ސިޓީ ކައުންސިލްގެ 4 ވަނަ ދައުރުގެ 151 ވަނަ ރަސްމީ އާންމު ޖަލްސާގައި މޭޔަރު އާޒިމް ވިދާޅުވީ ކޮންމެ ފަހަރަކު ބޮޑު ހަރަދެއްކޮށްފައި ޖޫރިމަނާތައް މާފްކުރާގޮތަކަށެއް ނުބޭއްވޭނެކަމަށެވެ.
އާޒިމް ވިދާޅުވީ ރާއްޖެއަށާއި ރައްޔިތުންނަށް ކިތަންމެ ބޮޑު ގެއްލުމެއްވިޔަސް، މުޅި ރާއްޖޭގައި މައްސަލަ ޖެހެނީ ސަރުކާރުން އަބަދު ޖޫރިމަނާތައް މާފުކުރާވަރުންކަމަށެވެ. އަދި ނަތީޖާއަަކަށް ވީ އާމްދަނީ ގެއްލި މުޅި ގައުމު ބަނގުރޫޓުވާ ހިސާބަށް ކަންތަށް ދިއުންކަމަށް ވިދާޅުވެ އާޒިމް ކަންބޮޑުވުން ފާޅުކުރެއްވި އެވެ.
މިއަދުގެ ސިޓީ ކައުންސިލް ބައްދަލުވުމުގައި ޖޫރިމަނާ މާފްކުރާ މައްސަލައާ ގުޅޭގޮތުން ކަންބޮޑުވުން ފާޅުކޮށް އާޒިމް ވާހަކަދައްްކާފައިވަނީ ފޮރިން މިނިސްޓްރީން ކުއްލިގޮތަކަށް އާ ސިޓީއާކާ ގުޅިގެންނެވެ. އެ ސިޓީގައި އެދިފައިވަނީ މަރުވި ނޭޕާލް މީހާ ގެ މޯޗަރީ ފީ ކަމުގައިވާ 85،0000 ރުފިޔާ މާފުކުރުމަށް އެދިފަ އެވެ.
އާޒިމް ވިދާޅުވީ މާބޮޑަށް މާފު ކަންތަކާއި ސަބްސިޑީ ކަންތައް ބޮޑުވެގެންގޮސް ރާއްޖެ މުޅިން ހަލާކުވެގެން ދާކަަމަށެވެ. އެގޮތުން މިހާރަށްވުރެ ހަރުދަނާކޮށް ކަންތައްތަކާ ވިސަނާ ދައުލަަތައް ބޭނުންނާ ފައިސާއަށް އެއްޗެހި ދައުލަަތަށް ހޯދުން އެއީ ވަރަށް މުހިއްމު ކަމަކަށް ފެނިވަޑައިގަންނަވާކަމަށެވެ.