މިދިޔަ ރިޔާސީ އިންތިހާބުގައި ވާދަކުރި ކެންޑިޑޭޓުންގެ ތެރެއިން ފަސް ކެންޑިޑޭޓެއްގެ މާލީ ބަޔާން ފުރިހަމަ ނުވާކަމަށް އިލެކްޝަން ކޮމިޝަނުން ނިންމިއެވެ. އަދި އެ ކެންޑިޑޭޓުން ކޮންމެ މީހަކު 20،000 ރުފިޔާއިން ޖޫރިމަނާކުރިއެވެ. އަދި އެ ކެންޑިޑޭޓުންގެ އިންތިހާބީ އެޖެންޓްވެސް 6000 ރުފިޔާއިން ޖޫރިމަނާކުރިއެވެ.
ޖޫރިމަނާކުރި ކެންޑިޑޭޓުންގެ ތެރޭގައި ޒަމީލާ އޭނާގެ އިންތިހާބީ އެޖެންޓްް ހިމެނެއެވެ. ޒަމީލްގެ އިންތިހާބީ އެޖެންޓަކީ އޭނާގެ ފިރިހެން ދަރިކަލުންނެވެ.
އީސީގެ މި ޖޫރިމަނާ އައުމުން ޒަމީލާއި އޭނާގެ އިންތިހާބީ އެޖެންޓްވަނީ އެ ކޮމިޝަނާއި ދެކޮޅަށް ދައުވާކޮށްފައެވެ.
އެ މައްސަލަ ނިންމާ ސިވިލްކޯޓުން މިއަދު އިއްވި ހުކުމްގައި ބުނެފައިވަނީ ޒަމީލާއި އޭނާގެ އިންތިހާބީ ކެންޑިޑޭޓްކުރި ޖޫރިމަނާ ބާތިލުކުރަން އިލްކެޝަންސް ކޮމިޝަނުން ނިންމާފައިވާކަން ކޯޓަށް އަންގާފައިވާކަމަށެވެ. އެގޮތަށް ކޮމިޝަނުން ނިންމީ މިދިޔަ އާދިއްތަދުވަހު ކަމަށްވެސް ކޯޓުގެ ހުކުމުގައިވެއެވެ.
މިދިޔަ ރިޔާސީ އިންތިހާބުގައި 8 ކެންޑިޑޭޓުން ވާދަކުރި އިރު އީސީން ކަނޑައަޅާފައިވާ ގޮތަށް މާލީ ބަޔާން ފުރިހަމަކޮށްފައިވަނީ ރައީސް ޑރ. މުހައްމަދު މުއިއްޒާއި ކުރީގެ ރައީސް އިބްރާހިމް މުހައްމަދު ސާލިހާއި ޖުމްހޫރީ ޕާޓީގެ ލީޑަރު ގާސިމް އިބްރާހިމްއެވެ.
ދެން އިންތިހާބުގައި ވާދަކުރީ އެމްއެންޕީން ކާނަލް މުހައްމަދު ނާޒިމާއި އުމަރު ނަސީރާއި ދަ ޑިމޮކްރެޓްސް އިން އިލްޔާސް ލަބީބާއި ޒަމީލްގެ އިތުރުން ރައީސް މައުމޫންގެ ދަރިކަލުން ފާރިސް މައުމޫނެވެ.
