އޭނާ ހުރީ ތިމާވެއްޓާ ބެހޭ މިނިސްޓްރީގެ ސްޓޭޓް މިނިސްޓަރުކަމުގެ މަގާމުގައެވެ. އެ މިނިސްޓްރީގެ ވެބްސައިޓުން މިހާރު ފެންނަ ގޮތުން ޝަމްނާޒް ސްޓޭޓް މިނިސްޓަރެއްގެ ގޮތުގައި ހުރީ އޭޕްރީލް 4, 2024 އިން ޖޫން 26, 2024ގެ ނިޔަލަށެވެ.
ސިހުރު ހެދި ކަމުގެ ތުހުމަތުގައި ޝަމްނާޒް ހައްޔަރުކުރީ މިދިޔަ އާދިއްތަ ދުވަހުއެވެ. ޝަމްނާޒާއި އެކު އޭނާގެ ކޮއްކޮއާ އިތުރު މީހަކު ހައްޔަރުކޮށް ފުލުހުން އަންނަނީ އެ މައްސަލަ ތަހުގީގުކުރަމުންނެވެ. އަދި މި ތިން މީހުންގެ ބަންދަށް ވަނީ 7 ދުވަސް ޖަހާފައެވެ.
ތިމާވެއްޓާއި ބެހޭ މިނިސްޓްރީގެ ވެބްސައިޓުން ޝަމްނާޒް ޕްރޮފައިލް ފެންނަ ގޮތް
މީގެ ކުރިން ޝަމްނާޒް ހުންނެވީ މާލެ ސިޓީ ކައުންސިލްގެ މެންބަރަކަށެވެ. ރައީސް މުއިއްޒު ވެރިކަމަށް ވަޑައިގެންނެވުމުން އޭނާ އެ މަގާމުން އިސްތިއުފާ ދެއްވިއެވެ. ޝަމްނާޒް އެންމެ ފުރަތަމަ އައްޔަން ކުރެއްވީ މުލިއާގެއަށެވެ.
ޝަމްނާޒް ފަހުން ވަނީ ރިޔާސީ ގަނޑުވަރު މުލީއާގެ އިން ތިމާވެއްޓާ ބެހޭ މިނިސްޓްރީގެ ސްޓޭޓްގެ މިނިސްޓަރަކަށް އައްޔަންކޮށްފައެވެ.
